[Alex Lover]

عندي سلحفاه مش صغيره اوي ومش كبيره .. انا اصلي باحب السلاحف اوي لاني كنت مربيه سلحفاه وانا في اسكندري قعدت عندي سنين ويوم ما فكرت افرج عنها واسيبها تتجول في الجنينه بتاعة البيت اختفت وما شوفتهاش تاني
المهم الصيف اللي فات جيبت واحده من مرسى مطروح .. بقالها عندي 6 شهور

ونسيتها خالص وسيباها في علبه في المطبخ وكل يوم احطلها ورق خس او خيار

مش عارفه ليه النهارده خطر في بالي ابحث على النت عن طرق تربيه والاهتمام بالسلاحف

اكتشفت انها مظلومة معايا جدااااااااااااااااا جداااااااااااااااااا

والله صعبت عليا

ده طلع انها المفروض تشرب ميه تخيلوا ؟؟؟؟ !!!!

بقالها 6 شهور ماشربتش بق ميه ، طب دي مقدور عليها امال بقى اللي قعدت عندي سنين دي الله يرحمها بقى ماشربتش ميه


لما رجعت البيت واخدتها امبارح وحميتها ودفيتها وحطيت لها اكل ولكنا مش عازه تخرج من قوقعتها خالص ولما احاول معاها واشد ايدا تطلع راسها بس مغمضه عنيها مش عايزه تفتح عنيها خالص .. تفتكرو هي نايمه او في بيات شتوى وانا كده باضايقها.. بس اكلت خس شويه ورجعت نامت تاني

برضه عايزه اعرف احط لها خس كل قد ايه في الشتاء؟؟؟

عايزه رأيكم لو سمحتم