|
رد: ،‘ بطنك تحت المجهر ‘،
ههههههها وناسه الموضووع
< قاعده تـاكل 
يلا نبدأ
في الغالب الوجبات الاساسيه .. 3 يعني .. بس احياانا تزيد واحيانا تنقص
اقتباس:
|
وش وجبتك المفضله [آللي مآ تقدر تستغني عنهآ ]
|
انا مــــــــاحب أفطر ايام المدرسه وايام العطل اذا سهرنا للصبح الا زعــتر
اقتباس:
|
هل أنت من النـآس آللي يتغلقون إذا جآعوا ؟
|
لا انا تحووووم كبدي وتجيني دووخه
اقتباس:
|
أول مآ تدخل السوبر مآركت أي قسـم تشوف بطنك يوديك له بدون شعور !
|
قسم الحلويات والشبسات والايسكريم . على اني ما اكل كثير منهم بس سبحان الله يجذبون ههههها
اقتباس:
|
هل صحيح مقولة [ الطريق إلىآ قلب الرجل معدته ] !
|
ماادري .. لين أعرس وأشووف
اقتباس:
|
مآ رأيك في قول [ إذآ بغيت الحرمه ترضى عليك ودهآ لـ المطعم ] !
|
مو صحيح .. انا وحده ماحب المطااعم ..
اقتباس:
|
إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟
|
اانا اول مادخل البيت .. اول شي اقوله .. ها ماما متى يستوي الغدا
بس ماعصصصب ..
اقتباس:
|
وش الأفضل عندك أكل البيت أو أكل المطعم ؟!
|
البيت طبعا .. أنظف وأفيد وأحلى ^^
ماعدا بعض الاكلات ماتضبط في البيت .. مثل البيتزا
اقتباس:
|
تحب تآكل لـ حآلك أو تآكل مع جمآعه مع ذكر السبب
|
لا مع جماعه أحلى .. اونس .
بس اذا مثلا سهراانه بروحي ومافي احد معي .. والله باكل
اقتباس:
|
إذآ كنت من النآس آللي يحبون الكبسه أي نوع من الكبسه تحب ؟!
|
الكبسه عشق الخليجين
اممم انا احب كبسه دجاج محشيه .. الي الرز يكون أحمر ..
وبعد ماما تسوي كبسه اللحم حلووووه .. حبيت اللحم منهاا
اقتباس:
|
لو كنت معزوم / تحب تكون العزيمه مفطح ولآ بوفيه ؟
|
أبي بوفيه .
لان انا اكل بشوكه وملعقه .. في البيت اوكي لان كل واحد بصحنه وياكل بالي يحب
بس اذا معزومه عيب أكل بملعقه وكلنا بصحن وااحد
وماحب ريحه الاكل باليد :S
عشان كذا افضل البوفيه
اقتباس:
|
أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل
|
أكيييد .. شي لابد منه هههها .. امم اكل حلويات وشبسات .. زبادي .. فواكه .. ساندويتشات خفيفه يعني جبن ومربى وهالامووور
اقتباس:
|
إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك ؟
|
مابختار احد ، لان اذا نفسسي منسده ماشتهي اكل كللش
اقتباس:
|
وش الطبخه آللي تضبطهآ و ودك تعزمنآ عليهآ ؟!!
|
الحين حدي حلويااات
بعد سنه لا تعلمت طبخ سنع أعزمكم
وثانكسو خيووو .. حلوو الموضوووع .. يوونس
|