[sdda7]

بسم الله الرحمن الرحيم

حبيـــــت اقدم هذا الموضوع ولو بشكل سريع واتمنى افيدكم
واعذروني لان الموضوع مو مرتب لأنه بإختصار شي جربته بدون ما ارجع لاحد

اولا تربيت فرخ الزيبرا:
تحتاج إلى :

1- قفص
2- عش
3- ملقاط صغير
4- حبوب الكناري او حبوب الزبرا
5- طبعا فرخ
6-طاحونة حبوب
طيب اذا توفرت الحاجات ذي معد بقى الا نعرف وش نسوي بها ,

1- خذ القفص وخله في مكان ثابت بالحوش اهم شي توصله الشمس بس ما تكون مباشره عليه, يفضل تحت شجره وتغطي سقف القفص بخيشه او كرتون الي يجي,
2- ضع العش في المكان المضلل بالقفص
3-خذ الحبوب اللي هي حب الكناري او حب الزبيبرا اطحنها بس لا تنعمها حاول بس تقشر القشره عن اللب وبعدين اعزل القشره عن اللب تماماً عن طريق الهواءاذا عزلتها خذ اللب واحفضه في مكان جاف (مثل قارورة مويه فارغه)

الحين صار عندك القفص والعش والأكل

معد بقا الا طريقت التحضير (سهله مررررررررررره)
1-خذ مقدار ربع غطا قارورة المويه من اللب اللي طحنته اول
2-ضعه في بياله اوفنجال وصب عليه ماء عادي وخله 20 ثانيه وكب الماء وخل اللب بالفنجال ,حلو
3_وكل فرخك وعليه بالعافيه استخدم ملقاط صغييير
http://www.youtube.com/watch?v=azUrZ...e=channel_page

http://www.youtube.com/watch?v=hTPJ7...e=channel_page
ثانيا تدريب فرخ الزيبرا: عشان يصير مثل الحمام

1- حاول من يوم ما تاخذ الفرخ وقت الاكل تناديه باسمه ولا تعطيه الا الين يرد
2-لا تلمس الفرخ كثير اذا كان توه ما ريش عشان تتفادا تنقله اي شي يضره لا سمح الله
3-بعد الوجبه اذا كان الفرخ ما ريش (يعني ما نبت الريش واكتمل) سريع رجعه لعشه بالقفص وخله لحين الوجبه الثانيه,
4- اذا كبر الفرخ وصف ريشه بتلاحض انه يمرن جنحانه في هذا الوقت حاول تعلمه على مكان عشه (خل عصفورك فوق القفص ورح انت اخر الحوش وناده بيرد عليك ناده وحمسه بيتجاوب معك وبيجيك يمشي طبلون)
خل العصفور في المكان اللي جاك فيه ورح انت لم القفص وناده وكرر العمليه يوميا (اذا جاك في كل مره وكله)
نهاية النهار يعني المغرب دخل عصفورك للقفص ولا تطلعه الا ثاني يوم بتلاحض مع الوقت عصفوك اول ما تفتح باب القفص دايركت يطلع واذا كان معك خارج القفص وفتحت باب القفص دايركت يدخل معناتها ان عصفورك فهم ان هذا بيته وملكيته

*مهم*
* لازم توفرله في القفص تربه نضيفه ومويه للإستحمام ( ورقيات شتله صغيره)

*تحذير*
اذا صف نصف ريش الفرخ بيصير لزقه يعني يشوفك يجي يدخل تحت رجلك وانت ما تدري وتوطاه يعني تدعسه (صارت ل منقاوي)

*طيوري ما اوكلها الا حبوب الزبرا وحبوب الكناري (وتربه او رمل) الورقيات عندهم الشجر

هذا سداح له ثلاث سنوات
http://www.youtube.com/watch?v=vbqNp...e=channel_page


وهذامنقاوي وسنايبر
http://www.youtube.com/watch?v=bPooH...e=channel_page

*افضل وقت تاخذ فيه الفرخ هو اول ما يبدا اول بروز للريش عشان ما يتعبك*

اتمنى اكون نفعتكم لا تنسونا من الدعاء
هذا والله اعلم