|
رد: بعد عناااء طالـ سنهـ و 3شهوور بشتري بس :]
مبرووووووك على موافقه الاهل 
بس اول شي ياقلبي لاتاخذينها بهالعمر
خليها تكمل شهرين أقل شي وخذيها
وبالنسبه للصور ورتك اياهم ابي قطووه .. بس الصوره الي قبل الاخيره مون مهجنه والاخيره بعيد عن الشيرازي ^^
بس ليه تبين صور ؟؟ صاحب القطوه ماوراك اياهاا ؟؟
والدول ياقلبي هو نفسه المون .. بس فرق مسميات ^^
بالنسبه للأكل .. اعطيها دراي فود ( اكل جاف ) من رويال كانون و أما الأكل الرطب افضله من البيت
يعني دجاج مسلوووقه مع خضار .. واعطيها زبادي قليل الدسم كـ سناك بين الوجبات
السمك لاتكثرين منه يسبب تساقط شعر .. التونه المعلبه العاديه الي مو مخصصه للقطط برضو تسبب تساقط شعر واسهاااال
والحليب مو ضروري كثير لها لو اخذتيها بعمر فوق الشهرين .. بس لو حابه تعطينها .. اعطيها مره بالاسبوع واهم شي يكون قليل الدسم ومخفف بماي .. لان اذا مو مخفف يسهل بطنهم شووي
والمعلبات .. لاتعودين قطوتج عليها .. لان ممكن تدمن عليها وبعدين بصعوووبه تخليها تاكل من اكل البيت .. يعني لو لو حابه تعطينها معلبات .. مره بالاسبوع او مرتين .. وتكون نوعيه ممتازه زي فانسي فيست او 9 لايفز او فيلكس .. جربتهم هذوول وحلووووين
اما ويسكاس .. أكره أكره أكره هالشركه .. خصوصا الاكل الرطب منها .. يسبب تساقط شعر وديدان بالبطن
والمستلزمات زي ماقالت لج ابي قطوه .. بس خلي البوكس ليتر ( صندوق الرمل ) داخل البيت .. لان لو حطيتيه برا ممكن تتضرر قطوتج .. لان ممكن تخطر قطوه من الشارع وتهجم عليها .. وغير كذا بتتعود القطوه على الطلعه من داخل البيت
واذا على الريحه .. بالاهتمام والنظافه تقل الريحه بشكل كبير
استخدمي نوعيه رمل كويسه .. يعني تتكتل تماام .. ونظفي الرمل اكثر من مره باليوم .. ولاتحطين البوكس ليتر في مكان رررطب ومايجيه هوا ومكتوم .. لان بكذا بتطلع ريحه مرررره كريهه
ابي قطوه على طاري الشنط .. في محل بالدمام اسمه كنوز البحار .. عنده شنط تجننن للقطاوه .. مره شكلها حلو .. واسعارها على حسب الاحجام .. اكبر شي اظن بـ 160 . ماذكر بالضبط والله
بس حلوين
وموفقه ياقلبي
|