|
انا فى مشكلة كبيرة .......
السلام عليكم
انا عندى حوض 50x25 جبت سمكتين جولد فيش وسمكة الزبال وطلبت من صديق انه يجيبلى بلاك مولى وسورد تيل. (على حسب علمى انهم مسالمين بس مش عارفة لو فيه مشكله مع الجولد فيش ولا لا) فالصديق جابلى 2 بلاك مولى (ذكر وانثى) و2 سورد تيل (ذكر و انثى) و19 سمكة من انواع مختلفة تقريبا منهم 5 جولد فيش باحجام مختلفة و4 جوبى وانواع تانية مش عارفاها بس شكلها حلو جدا... الحوض عامل زى ساحة المعركة فالمولى والسورد تيل بيعضوا فى الجولد فيش وفيه نوع ابيض فى اسود ونوع تانى اصفر فى اسود بيعض فى البلاك مولى و(2) سمكة برتفالى بتعض فى الجولد فيش (اعذرونى انا مش عارفة انواع الاسماك دى) .
انا نويت ارجع السمك كله على الرغم من جمال شكله واسيب 6جولد فيش والزبال و4جوبى فى الحوض وحاجيب حوض صغير لل 2 مولى و2 السورد تيل ده لو كانوا ينفعوا مع بعض اصلا؟ يا ريت اى مساعدة لانى فى مشكلة كبيرة و خايفة السمك يموت !!!!!!!!
شكرااااااااااا.
|