[سكر]

يا هلا في أبو جراح,,,

ومبرووك عليك الببغاء, الله يحفظك ويحفظ عيالك,,,

أشكرك على الإطراء اللي ما أستحقه يا غالي,,
وهذا واجبي,, وربي أعطاني نعم كثيرة,,, هذي المواضيع احتسبها شكر لله على نعمه,,,

بالنسبة لسؤالك الثالث عن رأينا في الطير,, ما شاء الله تبارك الله ببغاء جميل,, لكن عمره كبير شوي ومو فرخ مثل ما ذكر لك اللي باعه.

لكنه قابل للتعلم والتدريب بإذن لله, ويصير يتكلم خصوصاً مع الأطفال بس يبغالك صبر أكثر ياغالي.


وأما سؤالك الأول والثاني: فيا قمر ما استعجلت,,, بالعكس انت تأخرت 4 أيام,, ومادام انه يجعر بشكل مزعج كل ما شاف أحد, فلا توفر وقت وخليك مواصل على الترويض بالمنشفة

لكن حالياً واصل على المرحلة الأولى بس,, اللي في المقطع الأول,, لمدة كافية مابين 3 أيام إلى أسبوع,, مابين نصف ساعة إلى ساعتين في اليوم الواحد,, وبعدها انتقل للمرحلة الثانية,,,

طبعاً هذا الترتيب في الوقت,, مجرد إقتراح والا انت تقدر تزيد المدة او تخفظها بحسب وقتك,,

الشاهد في الموضوع ان المسألة تاخذ فترة توصل لأسبوع,, وفي بعض الأحيان توصل لشهر, حسب ضروف المدرب ووقته.

فيه نقطة مهمة: حاول وقت التدرب يكون الوضع هادئ ومافيه ازعاج, وتكون انت طول التدريب ساكت في أول الأيام.
وبعد التدريب خليه في مكان عام لكن لاحد يقرب منه أو يحاول يستفزه أو يجرب حضه معاه. وإذا جعر كثير, أو قفز من الخوف اذا كان برى القفص,, فعلى طول لفه بالمنشفة وحك راسه خمس دقايق ورجعه مكانه.

وفي الأخير أشكرك مرة أخرى على كلامك الجميل ومثل ما قال أخوي الغالي أبو سفر,, حياك الله بين أخوانك وأخواتك,,

تحياتي