|
رد: وش اوكل قطوي بلييييييييييييز
أنا بأكل قطتي لو بتعرف السردين المعلب مش تونة, و بخلطه مع عيش فينو أو عيش شامي بس تحطه تحت الماية لحد مايذوب خالص العيش و مش يبئى فيه كتل خالص و تعصر العيش بإيدك و تحطوه بالعلبة أو الإناء و تخلط معاه السردين و ماية السردين و تخلطهم مع بعض كويس بالشوكة و تحطهوله بياكل بألف هنا و شفا بس تبئى تزودلو ماية السردين شوية بالأكل علشان رحيته تبئى أحلى و يرضى ياكله.
لو تعمله منها كمية (مش كبيرة أوي) و تحطها بعلبة و تشيلها بالتلاجة يبئى كويس و يريحك و كل ماتيجي تأكله زودلو شوية ماية السردين عليها علشان يبئى طري.
ممكن تجيب سمك صغير بيقولو عليه بساريا أو بردو سردين و تحوطه و تسلقة و بعدين تقطعه و تحطهوله ياكلو بألف هنا, و مزية السردين إنه مش بيبئى الشوك بتاعه ضعيف بس متنساش تشيل راس السمكة.
ممكن تجيبله كبدة الفراخ و القوانص و تقطعها و تسلقها دي حاتعجبه جداً.
عامتاً أي لحوم مش تحطها ناية لأنه مع الوقت حيبئى شرس أوي و مش حايعجبه الأكل التاني خالص.
بالنسبة بئى إنه يبول في كل مكان مهما تعود القطط الذكور على المكان اللي يبولو فيه لازم يبولو في باقي الشقة, أكيد مامتك حاتطردو قريب و ربنا يستر, بس عامتاً هو بينونو بطريقة مُلفته جداً وصوته بيبئى غير خالص.  .
__________________
 
|