[أحمد حسام]

يا جماعة شوفوا ..

أولاً القطة الأم -اذا لقيتوا قطة أم وبترضع يعنى- ممكن ترفض ترضع الأولاد دول لأنهم ريحتهم غير ريحة أولادها ..

بس على كل حال اذا مالقيتيش أم بديلة ممكن تحاولى تلفى قطنة بحيث تحاكى شكل صدر الأم كده وتبقى دايرة صغيرة تدخل ف بقهم بسهولة وتبليها باللبن وتأكليهم منها .. أو تحاولى تشوفى كيس بلاستيك يكون جامد شوية تخرميه خرم صغير وتلفيه على القطارة أو حقنة -بدون السن المعدن طبعاً- بحيث يكون فيه مسافة فاضية ينزل اللبن فيها من القطارة ف الكيس وهم يرضعوا من الكيس ..

بس ضروووووووووووووووورى ى ى ى ى ى جدااااااااااااااااااااااا تخففى اللبن بالمية لأنه يعملهم نزلة معوية ويموتهم اذا فضل بالتركيز العادى بتاعه .. وممكن تستعملى لبن نيدو وتخففيه بردو وياريت يشربوه فااااتر مش سخن طبعاً..

أنا مش عايزة أزعلك .. بس حضرى نفسك للأسوأ .. القطط ف السن ده من غير امهم .. للأسف .......

أنا بقالى أكتر من 20 سنة باربى قطط .. وعارفة أنا باقولك ايه .. حاولى تدورى على امهم .. هى حتلاقيها بتنده عليهم طول الوقت وبتنادى عليهم وده جايز يسهل مهمة العثور عليها .. هى بعد ربنا الوحيدة اللى ف ايدها انقاذ حياتهم ..

طمنينا عليهم وربنا يتولاهم وحسبنا الله ونعم الوكيل .. وتأكدى ان عقاب ربنا حااااسم وشدييييد مع اللى كانت السبب حسبى الله ونعم الوكيل فيها ع اللى عملته فيهم .

تقبلى تحياتى ودمتى بكل الود ،،،