|
رد: طريقة صيد الطيور بدون اذا
يعتمد حبيبي على الطير الي تنبي اتصيده
انا بعطيك ثلاث طرق من خبرتي في هذي السوالف :
اول طريقه ..
اتجيب لك تور مال قفص حجم عادي ((وتقصه تريبا متر ×متر ))
وتاخذ لك خيط مال بحر الي يصيدون فيه السمك
وتربط ربطه في بداية التور وتدخله وتطلعه على بره وتخلي مسافت صبعتين وتدخله في مثل الفتحه
وتربط وتروح الى الجه الي صوب التور المربوط وتسوي مثل الطريقه على التور كامل ....
الي حد ما تخلص التور تاخذ لك خيط قوي وتربطه في زاوية التور
وترربطه ايضاً في طابوقه او شي ثابت ...
وتحطه في المكان الي تبي تصيد فيه مثل : في وسط المزرعه
و تجيبلك شويت اكل مثل عيش ((رز)) وترميه على التور
بجي الطير وبياكل امهل عليه دقيقه ونص وروح صيده
بس اتاكد انه الطير دخلت ارجوله في الخيط مال البحر يعني تحربجت ارجوله ...
وبكذا راح تصيد الطير .....
و الطريقه الثانيه :
تجيبلك قرقور ((حيزه )) مال بحر الي يصيدون فيها السمك
بس اهمشي انها تكون الفتحه الي تدخل منها السمك متوسطه
وتخليها في المكان الي بتنصب فيه .....
وتحط اكل داخل القرقور و قليل بره القرقور
و شويت خرابيط من الاكل ..
بيجي الطير و بياكل الاكل الي بره
و عقب بيفتر على القرقور وبيدخل من الفتحه الي يدخل منها السمك
وبكذا بتصيده
و ثالث طريقة :
تقدر تسوي مثل الطريقه الثانيه
بس تخلي داخل القرقور طير و اهمشي يكون انثى
مثال اذا كنت تبي تصيد بلبووول
تخلي داخل القرقور بلبول انثى و تقدر تربط رجول الطير بخيط عشان لا يهرب
وتربطه في القرقور من داخل ..
بيجي البلبوول وبيفتر من بره وبيحاول انه يدخل
بيتاكد انه المكان امن وبيدخل
وانا افضل الطريقه الاولى و الثالثه
و انشاء الله بشوف اذا عندي بخلي صور لهم
واذا ماعندي بدور لك من النت
ولا تنسه اي شي تصيد من طيور
نص لك ونص لي ههههههههههه
و بالتوفيق يا الغالي
|