[عروس الجليل]

وعليكم السلام ورحمة الله وبركاته يا مربي السلاحف..

المشاركة الأصلية كتبت بواسطة مربي سلاحف

1-كمية الاكل الى الان مني عارف اش هي كمية الاكل الي اديعا للسلحفاة هي تقريبا 5سم مع الذيل وقطر الصدفة 3 سم انا اديها في اليوم قطعتين من الاكل المخصص واحيانا قطعة خس معاهم هل هذا كافي

بهادا العمر ما بتحددلها كمية الاكل.. وكمية الاكل المطلوبه لالها هي اللي بتوكلها خلال 10 دقايق, والباقي ما رح توكلو.. واطعامها بيكون كل يوم- يومين.

المشاركة الأصلية كتبت بواسطة مربي سلاحف

2-عضة السلحفة هل هي مضرة ولا لا لاني لمن اديها الاكل تعضني اه

ممكن هي بتعضك لانك بتئدملها الاكل وهي بتكون جوعانه فتحاول انو تلتقط الاكل بتمها.. وادا صار ايا اشي افضل تغسل وتطهر محل العضه خصوصي ادا عضتك بعد ماكلت اشي.. حتى ما يصير التهاب!
بس لتكون بتحكيني عن سلحفاه مائيه من نوع الصدفه الطريه.. لانو الها سوابق انو تعض

المشاركة الأصلية كتبت بواسطة مربي سلاحف

3-الشمس انا صدفة سلحفتي يعني مي مرة لينة لكن اذا مسكتها من الجنب فترة ة طويلة او ضغط عليها تنطوي وقالولي لازم تعرضها للشمس لاكن صعب لانو اجازة وسهر تعرفون يعني وانا ساكن بشقة وما اقدر اشتري اللمبات مادري شسمها هل في حل غير كذه وماقدر اسيبعا في السطح لان في طيورممكن تهاجمها وحصى واوساخ اخاف انها تاكلها وكمان شمس جدة الحارقة والحر الفظيع اخ وما في شمس هادية الا في المغرب اطلع الاقي ما في اشعة شمس

سلحفاتك بعدها صغيره بالعمر يعني مش اكتر من سنه, وطبيعي انو تشعر بدرعها اللين والطري لانو بعدو باول مراحل تطورو,, وكلما تكبر بالعمر والحجم رح يصلب شوي شوي (مفضل تعطيها فيتامينات وكالسيوم خاص بالزواحف), من هيكا هي بتحتاج لانو تعرضها لاشعة الشمس لتنتج فيتامين D3 المسؤول عن الكالسيوم حتى ما يصير عندها هشاشه ونقص.. وانو تعرضها مرتين بالاسبوع سيعتين- تلاته بيكون كتير صحي لالها.. بس بشرط يكون طرف مظلل لتحتمي ادا زادت حرارتها وكمان يكون غطى شبكه على الحوض حتى ما توكلها العصافير ..
وادا هادا مش حل بتئدر تعرضها للشمس المباشره ادا حطيتها جنب الشباك جوات الغرفه (مش من خلال الزجاج) كل يوم عالاقل 10 دقايق.. او انو تستغني عن اشعة الشمس وتحطلها لامبة U.V الخاصه بالزواحف!!

المشاركة الأصلية كتبت بواسطة مربي سلاحف

4- كثرة النوم هل السلاحف البرمائية لها سبات شتوي/صيفي هههه لانها ايام تكمن بس نايمة لفترة طويلة وبعدين تصحى

بالصيف ما في سلاحف بتنام النهار الطويل
بتلائيهن صامدين حالهن تحت الشمس يتشمسو او بالمي عم يسبحو ويغوصو..
ومين ئال انو السلحفاة ادا كان راسها جوات درعها يعني هي نايمه, أكيد ادا جنبها مي بتفوت عليها تبلل جسمها اقل ما فيها..

وبتمنى اكون أفدتك ولو بالقليل.. يا ذكر