[هاسكي مان]

هلا ومسهلا انا راح افيدك باللي اقدر عليه ان شالله .. بالنسبة لأفضل مركز تدريب فروسيه نسائي عندك المدرسة الدوليه ممتازة جدا جدا للبنات والشباب واذا حابين مكان مخصص للنساء عندك مدرسة الاغر في حي السفارات مكان نسائي معزول ومخصص وناس محترفين لايقل مستواهم عن المدرسة الدوليه واذا كنتوا حابين مكان راقي جدا جدا جدا وبعيد عن ضوضاء المدينه فيه مدرسة اسطبلات بخش في الجنادرية عند سطبلات الخيل هذي المدرسة كلها ناس كلااااس وناس تهتم بالفرسان الجدد واللي احسن من كذا انهم يعتنون بالخيل بشكل رهيب واذا كنتوا حابين تتعلمون على ركوب الخيل بالتنزه وبعيدا ايضا عن ضوضاء المدينه فانا شخصيا انصحكم بمركز ديراب للجولف في طريق ديراب في الرياض تاخذون عضوية سنوية وتطلعون رحلات على ظهور الجياد وهذي الرحلات مافي امل انها تنسى كل الاماكن اللي ذكرتها بشكل عام تعتبر راقية جدا جدا مع تفاوت البيئة والسعر مع العلم ان الجودة واحدة من ناحية التدريب تختلف فقط البيئة واذا حابين تزوروني في اسطبلي يا اهلا وسهلا اذا ماشالتكم الارض تشيلكم عيوننا ... انا اتكلم من منطلق مالك خيل عربية اصيله ومطلع اطلاع جيد على هالامور واسف جدا جدا على الاطالة

تحياتي للجميع

وعلى دروب الخيل نلتقي احبة