عرض مشاركة واحدة
قديم 11-08-2008, 03:02 AM   #9
عازف الكيبورد
عضوية شرفية
 
الصورة الرمزية عازف الكيبورد







رد: 300 سؤال وجواب فى الكاسيكو ( أعداد رابطة محبي الكاسيكو)





الســـــــــــــــؤال
::

شريت فرخ كاسكو عمره 6 شهور .. ماشاء الله عليه الطير أليف وحبوب وهادئ
وعرضت الطير في قسم الببغاء

سؤالي هو

أولا: اظافر الطير طويله لدرجة انها تجرح يدي ؟ وهذا الشي يعييق التدريب
هل اقدر اقص وارتب اظافر الطير في العمر هذا ؟
ثانيا: جناح الطير كامل واخاف عليه لما يطير فالغرفه يدعم الجدار احيانا والطير حساس في العمر هذا
هل استطيع قص ريش الطير وهو عمره 6 شهور؟
والافضل من وجهة نظركم ؟
شكرا لكم وللقائمين على الموقع
>>>>>>>>>
س::لدي مشكلة وهي تنف الريش لدى ببغائي الافرقي
والان يخرج له ريش جديد ولايكن يقوم بنتفها . كل اطرق المتعارف عليها جربتها ولاكن هناك طريقة سمعت عنها ولاكن لااعرف مدى الجدوى منها وكيف طريقتها بالضبط وقي وضع حلق على رقبة الطائر لاعاقته من نتف الريش
ج::انا اقول يا طويل العمر وده البيطري حق يقص أظافره وجناحه لأن اذا انت الي قصيت راح ياخذ موقف منك ومو بعيدة يكرهك . . .
الجــــــــــــــــــــــــواب ::

ج::اخوي لازم تعرف الاول سبب نتف الريش؟ هل هو عامل نفسي او حساسية فالجلد
اذا كان الجواب عامل نفسي فأنصحك تحط له العاب واغصان فالقفص وما تحبسه فالقفص وحاول تلعب معاه وتكلمه وتسبحه لأن الطير من يتملل ومايحصل شي يسوي على طول ينتف ريشه ...
واذا كان الجواب حساسية فالجلد على طول وده البيطري وراح يعطيك دواء ...
انشالله اكون افدتك. . .


الســـــــــــــــؤال::

س1::لو سمحتو ابغا اعرف سعرببغاء الدرة
كيف اخلي الأفريقي يطلع على يدي
>>>>>>>
س2::مرحبه ودي اتفيدوني عندي الهولندي كل مره اسبحه بالماي بس ودي لو في شامبو معين اتفيدوني بأسمه استعمله وياه ولا استخدم شامو الاطفال وهل ايأثر على عينه ولا احاول انه ما ايحوش عينه؟؟؟؟
>>>>>>>>
س3::ديكو من رجعته للبيت وهو صار عصبي كل ياكل في الاعواد اللي في القفص اللي يوقف عليهم
وصاير ما يشتهيني وكل يعض هالايام وكل يكب الاكل اللي احطه له
ديكوو عصبي بلا حدود

الجــــــــــــــــــــــــواب ::

ج1::الدرة في البحرين 15 الى 30 دينار تقريبا . . .
وبخصوص سؤالك عن الكاسيكو انصحك تدخل هاذا الرابط . .
http://www.2zoo.com/vb/showthread.ph...C7%E1%D5%E6%D1

ج2::الظاهر الطير يبي يطلع من القفص الكاسيكو الي عندي صاده نفس الشي يكب الاكل ويعض القفص يبي يكسر اي شي جدادمه فمت وفتحت له باب القفص ومن بعده صار هادي ولازم القفص يكون في مكان فيه حركة وصوت عشان مايتملل الطير ويصيده احباط . .
ج3::اخي الكريم . . .
مايحتاج تغسل او تسبح الطير بالشامبو . . .
رش عليه الماء فقط بالرذاذ على جسمه مو ترش على وجهه مباشر هاذا يؤثر سلباا على الطائر
وحين انتهائك لا تجففه بالمجفف ولا تفوطه هو بروحه بجفف نفسه ويعدل ريشه . . .


الســـــــــــــــؤال::


انا سمعت ان اذا الطير الافريقي قعد في القفص يتكلم اسرع من الى على الاستاند والى مب

وليف هو الى يتكلم اما الي يطلع على اليد يبيله وقت اوسعات مايتكلم,هل هذا الكلام صحيح اولا

ارجو انكم اتفيدووني؟؟

الجــــــــــــــــــــــــواب ::


انا اقول مو شرط يكون الطير وحشي عشان يتعلم النطق
النقطة هذه تذكر عن المربين وهي ان الطير الأليف يكون مشغول باللعب
والمسح وووووو إلخ ، فالتركيز يقل عنده نسبياً من الطير اللي ماهو أليف مع الإنسان
وهذه نقطة فيها نوع من الصحة بنظري الشخصي ولكن بنسبة قليلة جداً فالطير الأليف
قابل للتعلم على الكلام وعلى الحركات البهلوانية ، ولكن يكون وقت التدريب الطير مكانه في القفص
للمقدرة على التركيز مع الكلمات الواردة من المربي وطبعاً ان شخصياً شاهدت النوعين من النقاط اللي ذكرتها في موضوعك ، النوع الأول الوحشي وهو يتكلم يعني طير يعض وكثير الجعير ولكن
كثير الكلام وشاهدت عكس هذا طير أليف جداً ويتكلم وطبعاً هنا نستطيع نقول كل هذا يعتمد على نوعية التربية من الصغر فلا تنسى ان الطيور وخاصة فصيلة البورت ذكية وتتعلم وتلقط الكلام حتى لو ما كان تم تدريبها فهي اوتوماتيكياً تسمع وتخزن (مموري كارد )
ملخص كلامي الأول والأخير يعتمد على التربية


الســـــــــــــــؤال::

أشتريت ببغاء أفريقي قبل 3 أسابيع
هو مايجعر بس يعض أحيانن وتكون العضه خفيفه ويش الحل مع العض؟
أبقا أعلمه يرتقي يدي ويش الطريقه؟
أحسن شي فيه ياكل من يدي
ولو كان بره القفص ممكن أني أمسح عليه وهو يمشي

الجــــــــــــــــــــــــواب ::

مشاء الله ...
هذي كلها يالغالي علامات جيده ...
تدل على ان الطائر بيتروض بسهوله وبيصير اليف جداَ خلال فتره وجيزة
بس انت اهم شي تصبر عليه .......و تقرب له بالاكل ... والفواكه ...
وغير كذا خل الاخوان الخبراء يجاوبونك يالغالي
الاخوان ماقصروا في الرد
اولاً الشيئ المهم هي الفترة اللي تكون معاك يعني 3 اسابيع يعني لحد الآن ماكمل
الشهر فصبر اخي الكريم الأمر يتطلب قليل من الوقت وعدم الإستعجال
اهم مرحلة هي ترك الجعير وانت الحمد لله ماعندك هذه المشكلة يعني مفهوم هذه الاسلوب
هو أخذ الطير بعض الطمأنينة منك ومن المكان الجديد عليه لانه الجعير تعبير للخوف وعدم الارتياح
عموماً بخصوص العض تأكد ان عضت الكاسكو الدفاعيه تقضم الصلب فما بالك يد الانسان
يعني لو العض كان شرس ودفاع عن النفس فسلم على يدك وأقرأ الفاتحه
انا بعتقادي هذا العض الخفيف هو عباره عن مداعبه بينك وبينه فلا تخف كثرة المسح
سيترك هذه العادة تدريجياً وانت ما شاء الله تملك أهم مفتاح الترويض هو ان الطير ياكل
ويستلم من يدك فواصل على هذا الاسلوب لإختصار الدرب واذكرك بالصبر وعدم الإستعجال
لكي تجني الثمار



الســـــــــــــــؤال::


أردت فقط أن أسأل كم مرة نطعم الببغاء الرمادي فى اليوم ؟.................ززز مع جزيل الشكر

الجــــــــــــــــــــــــواب ::

اولا نحب نرحب بك من جديد ثاني شي الطير الرمادي تحط له الاكل من الصبح وباليل وعلى العلم انه الرمادي لازم له وجبتين فلفل في الاسبوع لان الفلفل يقتل البكتيريا والدود في معدة الطير ويحميه من الامراض.

بالنسبة للحبوب أنا أحطها على مدار اليوم
أما بالنسبة للجزر المسلوق أو صفار البيض أو البطاطا أو الكوسا أو عظمة فخذ الدجاج
يعني الأكل بأختصار
أقدمه له يومياً وأنا أتغدى وأتعشى
يعني من ثلاث إلى أربع مرات
أما بخصوص الفلفل الحار مدري أشوف الشباب ما ينصحون فيه إلا قليل منهم
وأنا معاك بسمه رأي المختصين بخصوص الفلفل الحار


الســـــــــــــــؤال::


لدي ببغاء سنغالي عينه ليست صفراء بالكامل .. حيث يكون لون العين خارج البؤبؤ رمادية و الأطراف
صفراء ..
من لديه خبرة بالموضوع يفيدنا بالعمر .. و شكرًا

الجــــــــــــــــــــــــواب ::

على ما عتقد ان عمره تحت السنتين لأن ان كان عمره فوق السنتين تكون عيناه صفراء كلها
وهذ على حسب علمي .


الســـــــــــــــؤال::


السؤال هو كيف يمكن التخلص من مشكلة الخوف لذا الطائر؟
الطائر هو الببغاء الرمادي عندي من تقريبا شهر ونص يخاف من أغلب الأشخاص الي في البيت الا خواتي الصغار

الجــــــــــــــــــــــــواب ::

بالنسبة لمشكلة الخوف طبيعي انا عندي افريقي جلس معي شهرين وهو خواف ويجعر كنت حاطه بمكان مو مرتفع عن الأرض ويوم رفعته بدا الخوف يخف تدريجي وبعدها بنص شهر نزلته وصار زي الفل لاجعير ولاخوف وحاول انك تكلمه وتجلس قدامه علشان يتعود عليك وان شاء الله مع الأيام يبدا يتعود عليك .


الســـــــــــــــؤال::

انا كان عندي ببغاء افريقي وتوه صغير بالعمر ومات قيل كم اسبوع وعرضت انه مات بموضوع وحبيت ان اشتري غيره واناا احب نوع يتكلم بسرع وقولون ان اذكاء ببغاء الكاسكو الهولندي .. ويقولن تعرف الهولندي انه تعرفه بأنه يصير برجله خاتم.

الجــــــــــــــــــــــــواب ::

الفرق الهولندي تفريخ مزارع وبخصوص التحجيل اللي بالرجل
تراه في كل طير كان تفريخ في مزرعة ويتم نقش تاريخ الفقص
والمعتاد اللون الرصاصي يكون ذكر واللون الذهبي أنثى
يعني مو شرط تفريخ هولندي يكون فيه حجل (الحلق)
فأغلب المربين اللي يفرخون من الكاسكو او غير الكاسكو
يضعون حجول كما ذكرت ومافي فرق بين الذكاء فقط الهولندي تم
تفريخة في مزارع ويكون أليف جداً لونه يكون أفتح قليل على حسب مناخ الجو


الســـــــــــــــؤال::


سؤالي هل يوجد طعام معين أو مشروب معين أو طريقة معينة لكي ينطق ببغائي الأفريقي الكلمات نطقاً واضحاً حيث أنه يتكلم كلام ليس واضح والكلمة الواضح التي ينطقها يعقوب
علماً بأنه صغير في العمر

الجــــــــــــــــــــــــواب ::

الأكل والشرب ليس له دخل في نطق الطير
هذه طبيعة الطيور بداية النطق الكلام يكون غير واضح
الآن يتطلب منك تكرار كلمة يعقوب لحد ما ينطقها صح
وبعدها كرر بكلمه غير يعقوب وهذه ......



الســـــــــــــــؤال::

لو سمحتوا شباب
بغيت أسأل:
شنو الفرق بين ( الكاسكو ) :

الأفريقي
و
التايلندي

الجــــــــــــــــــــــــواب ::

الفرق التايلندي يكون تفريخ مزارع مثل الهولندي
وأليف طبعاً لانه موكل من اليد
والأفريقي أصل موطنه أفريقيا
فلا فرق فمجرد التفريخ كان في غير موطنه الأصلي
وبعض الأحيان يكون اللون مختلف قليل لأنه مناخ تايلند
او هولندا بحسب الجو



الســـــــــــــــؤال::


انا عندي ببغاء رمادي له اربعة ايام وهو كسلان وجناحه الايسر نازل ولا يوجد معه اسهال اعزكم الله ولما ذكرة ذلك للبيطري قال لي يوجد معه نقص فيتامين ووصف لي فيتامين .

وماهو افضل فيتامين يخص الببغاء ارمادي اذا كان فيه نقص فيتامين ؟


الجــــــــــــــــــــــــواب ::


انواع الفيتامينات كثيرة جداً .....
والفيتامين اللي وصفه لك الدكتور
خلك عليه ولكن لاتعتمد عليه إعتماد كلي
الفواكه والخضروات موجود فيها الفيتامين الأكثر فائدة
ركز على هذه الوجبات + الفيتامين الموصوف لك



الســـــــــــــــؤال::


س/ كم من البيض تضع انثى الببغاء بعد عملية التزاوج ؟؟

ولكم جزيل الشكر

الجــــــــــــــــــــــــواب ::

إلى 5 بيضات

ومدة الإحتضان من 28 إلى 29 يوم



الســـــــــــــــؤال::


اخواني لاحظت على الطير مالي انه صار كسوول و ما قام يصفر مثل قبل .. بس يطلع صوت غريب جنه قاعد يحاول يقوول شي .. عمره تقريبا 7 اشهر شي جذي صغير ..
مادري شفيه لمن تبي تحك راسه يسوي نفسه بيعض بس ما يعض يهوش .. و ما يستانس انه نحك راسه مثل اول
هذا شي و الشي الثاني انه لاحظت في تفخ خفيف صوب صدره ما يبين بس لمن احط ايدي احس فيه .. هل هذا مرض ام طبيعبي ..!؟!؟
تكفوون ابي اسرع رد علشان اذا في شي باجر اوديه البيطري ..

الجــــــــــــــــــــــــواب ::

اي شي غريب تلاحظة في الطير على طول توديه البيطري يمكن في استعجالك تنقذه وان خليته يوم او يومين تسأل الناس اذة فيه شي يموت الطير لا قدر الله . . .
نصيحتي وده البيطري بسرعة . . .
..


الســـــــــــــــؤال::


كيف اختار فرخ الكاسيكو الممتاز

او ما هي مواصفات الكاسيكو الجيد

اذا كان فرخا وكيف اميز بين الذكر والانثى ادا كان صغير يعني ( قام له ريش ولونه غامق مثل الأسود)
الجــــــــــــــــــــــــواب ::

ادخل على المواضيع المثبتة بتفيدك وااايد
وقبل ماتاخذ الطير شوف شهيته للأكل شلون يعني شوف ملة الاكل الي فالقفص فيها قشور اذا الجواب نعم يعني شهيته للكل ممتازه ..ولاتاخذ الطير الخامل والكسول الي تشوفه واايد يتحرك ويلعب فالقفص فهاذي من علامات الصحة السليمة للطير وشوفه اذا كان يجعر او لا يفضل ان مايكون يجعر وان كان يجعر مو مشكله لأنه الطير فرخ وراح يتروض بسرعة ان شاء الله . . .
واذا تبي تعرف اتميز الفروخ شوف لون قزحية العين اذا كانت سوداااء بالكامل او مائلة للرصاي فهو فرخ
وشكراا...


الســـــــــــــــؤال::

شباب امس شريت كاسكو جديد فرخ عادي الحين احطله جزره بيدي يعضه بسرعه ويرجع خايف فشنو الحل لهذه الحاله يرجى الافاده الكاسكو نوعيته افريقي
ساعدوني الله يساعدكم انشاء الله

الجــــــــــــــــــــــــواب ::

انا بعد اخوي كان طيري مثل طيرك
كان يخاف من الفواكه والخضراوات يعضهم ويرميهم ع الارض وشوي شوي وهة يعض الفاكهة ويرميها حس بطعم حلو وما اشوفه الا وهو ياكل بشراهة
والحين اي شي اعيه ياكله الحمدلله . . .
اخوي اصبر على طيرك واتمنى انك استفدت . . .




التعديل الأخير تم بواسطة : لمســة خيـــال بتاريخ 07-05-2014 الساعة 07:51 AM. السبب: تنسيق
عازف الكيبورد غير متصل