[كاسكو البحرين]

كاسيكو برباري من كلامك كأنك بحريني غالي علينا
المهم حبيبي انا سمعت الملف الصوتي وما شاء الله على الطير هذه بداياته في الكلام
الحين اللي صاير مع طيرك يا برباري يا طويل العمر من الأصوات هذه اللي قاعد يطلعها
ويغردها يعني الطير حصل الى إستقرار نفسي لنفسه ، هذه طيور ذكية وتحتاج فترة كبيرة
عشان تتأقلم مع المربي اولاً ومع البيئة (البيت) وايضاً هذه طيور ماتحب التغير المستمر
يعني حاول تخلي الطير مستقر في مكان ويتعود عليه وبتلاحظ هذا الشي اذا كان الطير في مكانة
يكون يغرد ويحاول يعبر عن فرحه وسروره و أول ماتغير المكان راح اجوف الطير أهدأ من المكان السابق

عموماً

اللي عليك اتسوية انت الحين تجود على كلمة وحده عشان تدرب الطير عليها فنقول مثلاً كلمة
( يا الله ) وهذه مع انها طويلة اشوي ولكن سبحان الخالق الطير ينطقها بكل سهوله كبداية
وشيئ طيب يكون بداية الطير ينطق بإسم الجلاله ، وانا عن نفسي طيري نطق بأول كلمة هي
( يا الله )

حاول تقعد مع الطير كل يوم ربع ساعة بس ما بياخذ من وقتك شي الا اذا انت اتهيم وايد هذا شي ثاني خلك مع الطير في جو رومانسي بإضاءه خفيفه وبدون أي إزعاج لا تلفاز ولا راديو ولا اي شي في الحياة كرر كلمة ( يالله ) بصوت واضح وراح اجوف الطير في هذه الإضاءه الخافته
يركز معاك ويحاول يعرف مصدر الصوت لأن بكون عباره عن شيئ محير وبتركيز قوي ، طبعاً بكون نظر الطير ضعيف في هذه الإضاءه وهذا مغزى إخفات الإضاءه

واصل على هذا المنوال لمدة أسبوع وصدقني ابعد عنك الملل وحمل الصبر الجميل ومابطوف إسبوع ان شاء الله إلا الطير بتسمعه ينطق الكلمة سواء كانت كبداية كتغريد (يعني لحن الكلمة) أو ينطقها
على طول وهذا يعتمد على مدى ذكاء الطير ومقدرتة في النطق

نعم بعض الطيور تحاول تنطق الكلمة ولكن بلحن الكلمة يعني كلمة (يالله ) تكون على شكل تغريد
ومع الأيام ينطقها وهذا تدريب على الكلمة وبعض الطيور تستجيب بسرعة وخلال إستماعها للكلمة
تنطقها مباشرة ومثل ما قلت لك هذا على حسب مقدرة الطير

لاتحاتي الطير من صوته انا اخمن عليه طير عنده أشياء كثيرة بس محتاج وقت وهتمام منك
يعني كثر الكلام معاه وتكلم معاه اكثر من التغريد لانه التغريد أسهل مما تتصور بالنسبة للطيور
ولكن نطق الكلام يحتاج الى تدريب جاد ومع الأيام بتلاحظ الطير بدون تدريب يسمع ويتكلم

المهم اخ كاسيكو برباري اتمنى اني قدرت افيدك وانبهك ابحاجه ان يوجد في المنتدى موقع
خاص ل2zoo يعني أي شي عندك سواء صورة أو مقطع فيديو حمل على هذا الموقع

الرابط

http://www.pusup.com/

ماعليك إلا تضغط الملف الفيديو وتحمل والحمد لله الموقع يرفع أحجام مناسبة
وعشان بعد اي عضو من الأعضاء يقدر يشاهد المشاركة من خلال تحميلة من هذا الموقع
لانه في بعض المواقع محجوبة على بعض الدول فما يقدر يشاهد الصور او مقاطع الفيديو

وانا حملت المقطع اللي انت رفعته على موقع طق طق من في الباب وقطعنا الشك باليقين
لانه بعض الأحيان تكون الملفات مخلوطة والناس تحمل ملف غير الملف المقصود رفعه

وهذا رابط الصوت على موقع ( مركز باس آب ) مو سفن آب

الرابط

http://www.pusup.com/download.php?fi...82d8eeb906.rar

الى الأعضاء (الضغط ثم الإنتظار للعد التنازلي) ومن ثم التحميل