[piper]

المشاركة الأصلية كتبت بواسطة Mkao

كم مرة تغره اخوى ؟ ومتى تنتهى من الغر هل هو يمتنع ام ماذا ؟

هلا بيك اخي الكريم بالنسبة لعدد المرات انا قريت في منتدى كل ساعتين مرة وقريت في منتدى 3 مرات باليوم بس اجمل ما قريت واتبعته هو كل ما تشوف الحويصلة انتهى مافيها ولا تنسى ان الطيور الكبيرة وكل انواع العصافير نحط قدامها الحبوب وتاكل على راحتها متى ما جاعت ف مسالة 3 مرات ف اليوم فيها ظلم كبير والطير بيكون ضعيف وما بينموا وانا كنت اعطيه اول اسبوع كل ساعتين مرة وحتى بوقت متاخر من الليل والفجر وكان هو يصحى ويصيح هههه لانه جوعان ويصحيني بما اني احطه جنبي ف الغرفة وبعدها لما كبر شوي صرت اعطيه كل 3 ساعات مرة وما كان يصحى بالليل ولكن الفجر يطلب الطعام والان لما كبر شويتين صار لما يجوع هو يطلب بنفسه ويقول كاكاكاكا

بالنسبة للغر انا ف البداية اخذت له من محل الحيوانات سيريلاك عصافير ولما انتهى رحت محل حيوانات اخر وحصلت عنده سيريلاك فروخ البغبغاوات وهو الافضل لان فيه كل الفيتامينات والمعادن والكالسيوم وكل ما يحتاجه الطير وهو عبارة عن الحبوب اللي ياكلها الطير الكبير ومطحونة ناعم جدا وتخلطها مع شوي ماي والصراحة انا صرت اضحك عليه واقول السيريلاك فيه بودرة كمال الاجسام لاني لما صرت اعطيه السيريلاك لصغار البغبغاوات بدء ما شاء الله تبارك الرحمن يكبر ويطلع له ريش والان ريشه جميل بالوان حلوة ما شاء الله وانا اتوقع من السيريلاك هذا يمكن فيه مواد ملونة والله اعلم

ف البداية كنت اعطيه بالسرينجة وكان يرفض بعدها صرت اعطيه بملعقة صغيرة جدا تعادل ربع ملعقة الشاي والحمدلله تقبل ومرات اخوي يقولي هو ما يتملل من هالاكلة هههه واقوله ليش البغبغاء يتملل من الحبوب تراه ما ياكل غيرها وهذا نفس الشي

انا عندي كناري وفي مرة كنت ماخذة قطعة تفاحة للكناري وكان كوكو الفرخ يشوف علي ف مسكت له قطعة صغيرة ف كان يمص عصير التفاح وكان فرحان جدا وامي هرست له شوي واطعمته ف صرت على مرات اعطيه من فاكهة التفاح المهروسة واهرسها بواسطة ظهر الملعقة وتكون ناعمة جدا مثل الغر

وفي مرة سلقت له بيض وهرسته واعطيته واكل بس بعد شوي حسيته مخنوق ف كان يفتح فمه ويطلع صوت غريب وانا اترعبت وشربته ماي كثير والحمدلله رب العالمين الله ستر وماعاد رجعت عطيته بيض هههه

اليوم اخوي كان جايب كمثرى فاخذت قطعة صغيرة واعطيت الكناري وايضا قطعة صغيرة هرستها واعطيت الكوكو وكان هو والكناري منجنين ع الطعم ههه لان الكمثرى لذيذة جدا وكلها ماي وطبعا شلت القشر لل2


والفرخ بعده صغير وحطيت قطعة الفاكهة امامه وما عرف ياكلها وفي مرة حطيت له السيريلاك في صحن صغير وما عرف ياكل لازم اغره والان عمره تقريبا 35 يوم او ازيد بشوي

وبكرة ان شاء الله اول حمام سباحة له ناوية احط ف البخاخ شوي ماي وارش عليه هو الكنور ونطلع برا ع الشمس الخفيفة وان شاء الله يستانس

بس مشكلة السيريلاك ان الفرخ ياكل مثل كعكي هههه وبالتالي يلصق السيريلاك فيه ولما اشيله يتالم مع اني امسحه اول باول بكلينكس فيه ماي وانظفه وبعدها اشوفه متسرلك

ولاحظت ايضا لما ف البيت في ضيوف ما ياكل قدامهم ما ادري يستحي او ما يكون مرتاح وحتى لو صار موعد الاكل واجيب له طبق اليوم ولكن ينزل راسه ويتخبى ف اخذه ع غرفة مافيها حد وياكل ويبدو لو كان في ازعاج او اشخاص غريبين الفرخ يمتنع ولازم شخص يكون متعود عليه


اتمنى اكون افدتك وتقبل تحياتي اختك piper