طريقه تجعل طائرك يحبك اكثر وتقوى العلاقه بينكما
السلام عليكم
ازيكوا يا اعضاء قسم البادجى
حبيت اشاركوا طريقه جميله جدا جدا تخلى الطائر بتاعك يحبك جدا ويقوى العلاقه الجميله اللى بينكوا
اكتشفت بعد ست شهور
ان الطريقه دى هى السبب فى ان عصفور ارتبط بى
وانها هى السبب فى انى كنت ابقى الانسانه المفضله له فى البيت كله
والطريقه بكل بساطه
هى
انك كل ما انت معدى جمب القفص ويكون معاك اكل تاخد حته منه وتأكله بأيدك من بين القضبان اللى فى القفص او تدخل ايدك وتأكل له حته من الاكل اللى معاك وانت بتأكله تكلمه بصوت هادى وتقوله اى حاجة
او ممكن تثبت كلمه معينه تقولها له كل ماتقدم له الاكل
حته صغيرة وتمشى بعدها عادى
الوجبات اللى ممكن تديها له :
سانوتش جبنه مثلا هاتدى له جزء من العيش بتاع الساندوتيش ولو عوزت جزء من الجبنه
سانوتش بيض يعنى بيض مع عيش
بس كلها كميات قليلللللللللله جدا زى مانتو عارفين يعنى ممكن تقطع جزء بحجم عقله الاصبع ياكل منها كذا مرة وتشلها
فاكهه اى نوع (تفاح كمثرى موز وفراوله بطيخ )
ياكل باردوا منها كذا قطمه وتشيل ايدك
خضار(خيار فلفل جزر جرير كرمب خس )
وفى حاجات تانيه زيادات بس باردوا وبقلوها كميات قليله دا مجرد تحفيز للطائر
ياخد قطمه منها او اتنين ونشيلها
فى جبنه لوحدها
بسكوت
بجد الطريقه دى فعاله جدا
ليه ؟؟
ببساطه لان الطائر هايربط بينك وبين الاكل اللى هو بيحبه وانت هاتكون اللى بتجيبه له دايما
ونتايجها
الطائر هايحبك جدا بأعتبارك مركز للطعام والخير
هايستناك كل ماتكون معدى من جمب القفص
كل ماهايسمع صوتك هتلاقيه بيصفر لك حتى لو مش شايفك
فى الاول كل اسرتى كانوا بيضحكوا على انى بأكله من اى حاجة بكلها وكل ما اعدى جمب القفص ويكون معاى اى حاجة بكلها اقطعه له حته واطله شويه وامشى عادى
بس هما لاقوا انه بيحبنى جدا وكل ما اعدى جمب القفص يجيلى مثلا ادخل ايدى القفص انضف او اشيل الميا يلعب معاى
وكمان لاقيت ان التنويع فى الاكل بالكميات البسيطه دى بتفيده جدا
وبتخلى جسمه متناسق ومش ضعيف
اتمنى الموضوع يعجبكوا
وحاجه مهمه اوى اوى
الموضوع دا مجهودى الشخصى وكل مواضيعى كدا
اى حد عايز ينقله يكتب
المصدر منتديات توزو (bonsho)
((لان اكتشفت ان مواضيعى كلها بتتنقل من غير حتى مايتكتب منقول ))
__________________
بونشو بنت ^______^
|