|
رد: جرب او فطريات
اهلا بيكي
قطك محتاج اهتمام و اهتمام و اهتمام
اولا ده مش جرب خالص
هبتدي ب الاذن
هتجيبي بيبي اويل و اعواد قطنوالاذن و قطن عادي و قطره دترماتين او لوكاستن من الصيدلية البشريه
هتحطي ع الاعواد نقط من البيبي اويل و القطن كمان
وتنظفي الاذن كويس جدااا
وبعدين تقطري ف كل واحده نقطتين
هتكرري ده مرتين ف اليوم
بالنسبه للجسم
الاماكن الخالية من شعر و الذيل
هتجيبي شاش او قطعه قماش
وتحطي عليها مايه وشامبو نيزورال او نيزابكس
وتدعكي الاماكن دي كويس
وبقطنه تشيلي الشامبو
وبعدي تنشفي كويس جدا
وتحطي بيتادين سائل و بعدها بخمس دقايق
مرهم بنزانيل او لاميزيل
الغسيل بالشامبو كل يومين
اما البيتادين و المرهم مرتين ف اليوم
لازم يتشمس وكل حاجه بينام عليها تتغسل بديتول بعيد عنه
لانه مسمم للقطط
وطهري الفرش وشمسيه
الموضوع متعب شويه
لكن لو مشيتي ع الكلام ده
ب اذن الله 10 ايام هتلاقيه زي الفل
|