السلام عليكم ورحمة الله وبركاته
يشرفني ان اطرح لكم اول مشاركه لي في هذا المنتدى الاكثر من رائع
لا اريد الاطاله عليكم ندخل بالموضوع
انا اعشق الطيور بانواعها ولكن اول مره اتعامل مع الببغاء الافريقي
شريته من اسبوع ونص تقريبا عمره على كلام البائع من 6 شهور الى 8 شهور وضعته بغرفتي وحاولت اني ادربه واجعله يألف علي اول شي سويته سميته بريسكي ولــــــــكن ؟
لاااااااا جدوى اول ما اقرب عليه يبدأ يجعر شوي ويسكت واذا حركت يدي يفتح فمه ويجعر
حاولت اطعميه بيدي حب عباد الشمس ياخذ مني الحبه ويرميها حطيتله عسل على الحبه ونفس النتيجه يرميها او يلحس العسل ويرميها جلست معه على هذي الحاله لمدة اربع ايام وما تغير شي
خامس يوم لاحظت عليه انه يعض اظافره غيرت مكانه ونقلته من غرفتي الى الصاله علشان لا يشعر بالوحده لاني ما اقعد معه كثير مع العلم انه دايم اخلي القفص مفتوح ولا اقفله
حسيت ان طريقة تغيير المكان طريقه ايجابيه لانه بطل يعض اظافره وامس سمعته صفر صفيره صغيره جدا ولا عادها
ولكن المشكله ان الصاله تقريبا 24 ساعه انوارها لاتطفئ يعني اللمبات دايما شغاله يعني احس انه ما ينام
فماذا افعل يا اهل الخبره ابي ادربه وكل ما اقرب يدي عنده يفتح فمه واخاف يعضني مع اني المس راسه وهو يحاول يعضني ههههه رفع ضغطي ذا الببغااء وش اسوي تكفووووووون
انا اسف جدا للاطاله ولكن مصر اني ادربه غصب