[ليان 1433]

السلام عليكم جميعاً
و مساء الخير

حابه اسألكم عن بعض الاشياء كوني مبتدئه بتربية الكروان
انا اشتريت فرخ كروان بعمر الثلاث اسابيع و الان و لله الحمد بيكمل شهر عمره
اول تجربه لي بفرخ غر ف شايله همه مره
الحمدلله عندي خلفيه عن الفروخ
و اهتمامي فيه جيد جداً بإذن الله
مشكلتي اني محرصت ع المربي اللي شريته منه و كنت مستعجله ابي الفرخ ف جاني فرخ خريض شوي معه اسهال
فرخي الحمدلله شهيته مفترحه و مااحسه خامل بالعكس يلعب و بدا بمحاولات طيران خفيفه
و بالنسبه للاكل انا اعطيه بيض مسلوق مع بطاطس مسلوق او بيض مسلوق مع بقسماط ، او بيض ني مع توست او بسكوت شاي طبعاً كلها مهروسه و اخلط معها سيريلاك طيور كون فرخي ماحب السيريلاك لحاله

المهم ابي اعرف كيف اعالج فرخي من الاسهال و لا حظت انها بادي يعاطس هالفتره و انفه وردي و برضو داخل انفه شي اصفر مدري قشور مدري ايش هو بالضبط و انفه جاف مو مبلول ، فرخي من جبتي و انا حاطته بمكان بدون تكييف و لازم الصبح افتح عليه الدريشه تجيه الشمس و اشغله مررحه عشان مايحتر مره ، و بالليل كون الجو بدا يبرد اغطي قفصه

عذراً ع كثرت الكلام بس حبيت اوضح جميع الجوانب و ان شاء الله الاقي اجوبه تفيدني
و ياليت اللي عنده خلطات للاكل زياده يعطيني
و اذا عندي اي غلطه بالاهتمام بكرواني ياليت تنبهوني عليها و شكراً لكم جميعاً ♥♥