منقول:معلومات لشراء القطيفي من السوق
الكثير يسئل عن طريقة الشراء في السوق
وبالاغلب يكون قليل خبرة آو يكون مستعجل
بعرض لكم وجهة نظري
واتمنى آني اكون قدمت مادة يستفاد منها :
1- ركز على عيون الطير لازم تجي دائرة سودا وحولها لون وردي او ماتسمى بالعيون البيضا .
2- الجرم لازم يكون وسط الى حد ما والرقبه تكون بارزة شوي الراس اهم شي مايكون مدور.
3- المنقار لازم يكون وسط وفيه خط اسود من فوق فقط.
4- الرجل لازم تكون حمرا كثير .
5- لاحظ وقفه الطير اذا شفته مفوحش يعني فيه مسافه بين رجوله كثير او بمعنى اخر فارش.
6- حط يدك فوق الحيزة او القفص لاشفته فر رقبته وقعد يطالع فوق.
7- امسك الطير ولاشفته رفع ذيله زود وهو بيدك .
8- تاكد ان الطير ماهو مريض يعني ابو رقيبه شي او في دود في بطنه .
اذا تجمعت هالنقط تبشر فيه خير
ولاتستبعدها تراها موجوده في كل سوق
بس يبيلك صبر
الحين جاء دور الالوان الاساسية في القطيفي :
1- الاسود وهو الرويالي في القطيفي .. يجيك جسمه اسود كامل.
مو مشكله اذا لقيته اشعل يعني كم ريشه بيضاء في ذيله او لقيت صقعه وحده في راسه بلون ابيض.
2-الاملح وهو في المرتبة الثانية ويجي كامل وهم مافيه مشكلة لالقيت ريش في ذيله بلون ابيض.
3- الازرق وهو اللون المحبوب وغالبا مايجي خلط بين الالوان السابقة .
4- الاحمر والبني الوان جميلة جدا وتجي خلط بين الاملح والاحمر
__________________
سبحان الله والحمدلله والله واكبر
|