|
اشترية كاسكو اليف ارجو المساعده من اخوتي
السلام عليكم اخواني
اني اشترية من يومين كاسكو اليف يصعد على اليد و المفروض انو يتكلم وياكل من الايد بس هوه خايف هوايه مني واكثر من زوجتي بس تقرب عليه زايد يبدي يطلع صوت خافت بعدين يجعر شويه عندي الكم سؤال
1 متى يتعلم علي وعلى اهل بيتي و ما يخاف منهم ومتى يتكلم هوه هسه بس يصفر لما نكون بعيدين عنه
2 هل ممكن اعطائه الفول السوداني باي كميه وخصوصا هسه عشان يولف علي
3 هل يمكن اعطائه الفواكه باي كميه
4 اني قريت بمنتدانا العزيز انو هوه ينام 12 ساعه لاكن هذه ماينام نومه قليل هل يجب نقله اثناء النوم لمكان اخر وهل يمكن وضعه بالارض لان اني واضعه في غرفة المعيشه وما هوه وقت نومه
5 مرات يعض هل يجب ان اصيح عليه و بصراحه اني بخاف من عضته
6 هل يجب تركه ما تقرب منه الان الى ان يولف علي وهل يمكن تركه بالقفص طول اليوم لان هوه جناحه مو مقصوص وطلعته مره وطار
7 اني اشتريته 800 دولار يكول صاحبه يحجي 25 كلمه هل هذه السعر زين وهوه لهسه ولا كلمه حجه فقط يقلد صوت الطيور والبزونه والبوسه
طولت عليكم مشكورين اخواني
|