[عروس الجليل]

الحيوان البرمائي بيبض بالمي والحيوان الزاحف بيبض برات المي, عنشان هيكا السلحفاه المائيه لمن بدها تبيض بتطلع من المي للبر لتحفر حفره وتبيض وبعدين بتغطيهن, بس عندك السلحفاه باضت بالمي لانها ما لائت وين تبيض, كنت لازم تحطلها شي حجر طالع عن سطح المي - منطئه جافه او ايا اشي بيطوف عالمي لتبيض عليه, بس ادا عندك باضت بالمي خد البيض لبرات المي وجيب صندوق فيو رمل احفر وحط البيض بالحفره وبعدين غطيهن لتطمرهن, ولازم تعرض الصندوق لاشعة الشمس عنشان هيكا بيحمى الرمل وبعد 2 - 3 شهور بيفئسو ان شاء الله.


عكل الحالات لازم تحط للسلحفاه بالمي حجر لتطلع عليه تتريح وكمان تنام لانها بتتعب لمن اتضلها طول الوئت بالمي