قطه شيرازيه منقذه تعاني من إسهال وزكام وفطريات
السلام عليكم
عندي قطه شيرازي عمرها شهرين لقاها أخويا في الشارع وجابها ليا عشان أنقذها وأعالجها وأهتم فيها
هي الله يكرمكم معاها: إسهال+ زكام + شوية فطريات حتى عيونها. مغمصه وتدمع خفيف
فقلت شكلها. ميته من البرد في الشارع و هذا اللي سببلها هذي الأشياء: ( إسهال+زكام+ عطاس وغيره وتدميع وغمص في العين لأنها من علامات الزكام)
فجبتلها دواء. كابكت للإسهال من الصيدليه البشريه وصرت أعطيها منه 1 مل كل 8 ساعات وجبتلها كمان محلول الجفاف
وصرت أعطيها منه 2 مل كل 3 ساعات تقريباً قلت الزكام وعيونها أعالجها بعد مايروح الإسهال ببيتاموكس ومرهم للعيون والفطريات آخر شئ!
هي الحمدلله تاكل يعني شهيتها مفتوحه ولله الحمد وصرت أقدملها دجاج غداء وعشاء ودراي فود في الفطور لكن كسلانه
بس نايمه تصحى بس لو بتروح الحمام أو تاكل ولاحظت شربها للمويا قليل وتحسنها بطيئ من ناحية الإسهال هل أزود الجرعه إلى 2 مل؟؟
أنا مجربه هذا الدواء من قبل وصفه ليا الدكتور البيطري في وزارة الزراعه وفعلاً. عالجت وحده فيه قبل كذا وإختفى منها الإسهال ولله الحمد
يعني فعال ولكن ما أدري ليش في هذي القطه تحسنه بطيء أحس؟!
هل يفرق معالجة اسهال البرد مع إسهال الميكروب؟ أم كلها نفس الشئ علاجها واحد هوه نفسه دواء للإسهال؟
أنا ماني عارفه هوه من ميكروب ولا من برد لكن اللي بين لي إنه من برد زكامها
رجاء ساعدوني في علاجها أبغى نصايح وجاوبولي على هذي الأسئله وشكراً
الأسئله :
هل أزود جرعة دواء الإسهال كابكت إلى 2 مل؟
هل دواء إسهال البرد يختلف عن إسهال الميكروب أم لايوجد فرق؟
وآسفه على الإطاله!
|