[ألأصيل]

أخي الحبيب سكر انت عسل يا شيخ,
لو تكرمت بس تقبل مني بعض الملاحظات واللي يمكن اكون انا غلط بس النيه والله الفايده للجميع:

1. في قطر ما عندنا محلات بو ريالين ولا حتى بو 3 ريال ههههه (هذي ما لها داعي هههه ).

2. "بدل ما نغطي أسفل القفص بجريدة يكون فيها ذكر الله عز وجل": يا خوي هيه الجرايد في نهاية المطاف وين رايحه, وبعدين وانما الاعمال بالنيات. عموما نصيحه طيبه من قلب طيب.

3.

إيش دور الغرشه؟ ولا هي مثل الافلام الهنديه تلقالك واحد مال لابوه داعي طلع بالفلم ما تدري ليش؟

4.

فكره جيده بس دير بالك من المنطقه العلويه للستاند وبالاخص مكان ما شادينها بالرابط لانه الطير راح بيكسرها خلال دقايق ومعظم الاحيان تكون مصبوغه ورنيش او صبغ وبالتالي مضره للطير. الحذر واجب.

5.

ما انصح فيها بتاتا وذلك لان الخشب المصنوع منها يجيك خشب طري يعني اي ببغاء يقدر يطحنه بدقايق ومو هني المشكله, المشكله انه السبرنق الرابط القطعتين اول ما ينشال عن الخشب يقفل وبالتالي ممكن يعور لسان الطير ولا منقاده والله اعلم.

6.

مدري بس اشوف انه هذي النوعيات يوم تنكسر تصير فيها قطع بارزه مثل الأبر اللي ممكن تضر عيون الطير ولا لو اكل منها يمكن تضره والله اعلم.

7.

لااااا مستحيل

الباقيين تمام التمام والسموحه منك يا شيخ.

أخوك ألأصيل