[عازف الكيبورد]

الســـــــــــــــؤال::

استغربت لما حطيت لعبه في القفص للكاسكو تفاجات بانه خاف وقام يجعر واصلان اهو ما يجعر من اخذته وله عندي سنه ونصف
ما السبب الي خله يخاف؟؟؟ مع الشكر.


الجــــــــــــــــــــــــواب ::

الببغاء الكاسكو يكون متخوف من اي شي جديد في قفصه لانه ببغاء حذر بطبعه



الســـــــــــــــؤال::

أنا عندي ببغاء غيني شاريه يوم الجمعه ..

وهو يتكلم بعد التدريب ..

أول ماجبته كان مرجووووج يدور بالقفص 24 ساعه .. مايوقف ماشاء الله ..

بديت أصفر قدامه بديت أحاول أوكله بس مايجاوبني أبد ..

وآبي فوائدكم عن تدريب الببغاء ..

وأحب أستفسر عن الألعاب .. العاب الببغاء مثل ايش يعني ..

وش أعطيه على شان يلعب معي .. وشلون أدري أنه هو يلعن معي ..

وش أسوي له على شان يلعب معاي ؟؟

إذا بغا هو يلعب وش يسوي على شان يقولي أنا بلعب ..؟؟


الجــــــــــــــــــــــــواب ::

انت ما وضحت نبي منك توضح لنا زياده ...
علشان نفهم ونجاوب ...
انا ابجاوبك على اللي فهمته ...
اخوي يعني واضح من كلامك انه اليف ...
طيب اذا صار اليف حلو مررره ...
ومن ناحية الالعاب ...
شئ طبيعي انا ابحاول اعطيك صور ...
وانت شوفها اوكيه وتراها في محلات كثيرة ...
معظمة من اخشاب فيها حبال شوي عريضة ...
ومن ناحية وش تعطيه علشان يلعب معك ...
مو شرط تعطيه دلعة ...
يعني كلمه بكلام حلو يعين ...
( يا حبيبي , انا احبك , انت حلو او حلوة )...
عطه بووووسة هههه ... يعني ...
وخط في بالك ترى والله راح يفهم كلامك ...
ويفهم كل شئ في بالك ...
بس دلعة وحاول تحك راسة ...
علشان تقدر تسوي اللي تطلبه منه ...
وهذا اللي اقدر افيدك فيه ...
وتقبل تحيات اخوك / هاوي الرمادي ...



الســـــــــــــــؤال::

عندي افريقي ياكل ريشه اضن انها مو مشكله انه يمر بمرحله تبديل الريش بس انا ما عطيته الفيتامينات ابدا

فماذا العمل الفيتامينات فقط تكفي ولا يجب وضع معها الاملاح

لتسارع نمو الريش


الجــــــــــــــــــــــــواب ::

الفيتامينات تحطها في المشارب اسبوع ورا اسبوع ..

و حط حجر جير ( كالسيوم و معادن ) يباع في محلات الطيور ..

و رش طيرك بمبيد حشرات خاص بالطيور كل اسبوع ثم بعد فترة كل شهر ..

و الماء تحط له موية صحية ..

و الأكل في خلطات تباع جاهزة .. دور الألماني منها مثل ما يقولون الإخوان فهي أحسن شي ..

و عرّض طيرك للشمس لمدة نصف ساعة يوميًا في الصباح الباكر ..



الســـــــــــــــؤال::

يا إخوان الرمادي اللي عندي كل ما أحطه على الستاند يحاول الطيران ويسقط على وجهه لأن مع العلم إن ريش الجناح قد قص (مقلقص) والسؤال هو كيف أعلمه أن لا يطير لأن الطيران يسبب له الخطر ؟؟


الجــــــــــــــــــــــــواب ::

اخوي انت لازم تعوده على طريقة اذا طار مره ثانية دخله القفص ربع ساعة علشان,,,...
يعرف ان هذا مو زين له وحاول تعاقبة والله يكون في عونك,,,...
واي شئ تبيه احنا تحت امرك كلنا والله يعينك,,,...



الســـــــــــــــؤال::

بصراحه انا خلااااااااااااص معد فيني
الصبر الببغاء بيكمل الشهرررررررررررررررررررين
وهو مرررررررررررررررررررررررررره مايصفر اش السبب
مو لدي الدرجه مااتعود على وعلى البيت
ليكووووووووووووون مايصفر مع ان الببغاء الاول كان يصفر
وش تنصحووني ابيع للعم هو اليف وفي نفس الوقت خوووووووووواف


الجــــــــــــــــــــــــواب ::

انت قلتي انه خواف وهذا يعني انه مالم يشعر بالطمئنين فلن يصفر وهذا سبب عدم تصفيره الى الان عليك التقرب منه والتمسيد على رأسه الى ان يتعود على صاحب له
وبعد مايتعود عليك او على احد في المنزل
سوف يصفر في كل مرة تكونين بعيدة عنه او صاحبه بعيد عنه
واصلا عادة التصفير عند الببغاء هي لجذب الانتباه له وبما انه خائف فلن يصفر حتى لا يجذب الانتباه له ويبقى منذوي لانه خائف
ولاداعي لتبديله الا اذا كان صغير ولا تريدي الانتظار فدائما الببغاء الكبير اقل خوف واكثر جرأة من الصغير ومن الممكن ان يتعود على المكان اسرع من الصغير الذي لم يتم عمره السنة
فحاولي اقتناء ببغاء يكون اكبر من سنة
والله يوفقك اختي



الســـــــــــــــؤال::

بصراحه انا سمعت وقريت ان انأكل الببغاء فلفل لتنطق
وبصراحه انا ابي اأكلها فلفل
بس خايفه ماتستحمل حرارته وتموت


الجــــــــــــــــــــــــواب ::

حسب معوماتي
كثر اكل الطبر للفلفل يقتل بعض الجراثيم المفيده في الامعاء

اما بالنسبه للكلام فهو من شدة الحراره يصفر ويصارخ ويطقطق وتسمع اصوات عجب
لهذا يعتقد بعض الناس ان الفلفل يساعد على الكلام
اما انا فاعتقد اتها معلومه خاطئه
قد يتفق معي البعض وقد يخالفني البعض الاخر وفي النهايه تظل وجهات نظر واجتهاد في الحصول على المعلومه قد نوفق وقد لا نوفق في الحصول عليها بشكل صحيح

أنا ما أعطي طيوري الفلفل أبدًا ..

لي تجربة سيئة معه ..

بعدين مسألة إنه حار على الببغاء ، عندي معلومة تفيد إنه لا يشعر بحرارته مثل الإنسان



الســـــــــــــــؤال::


بغا اسئل سؤال هل عند تصغير الببغاء بؤبؤه وتكبيره يغني أنه سوف يتكلم


الجــــــــــــــــــــــــواب ::

هذا يعني تركيز الطائر معك في مخارج الكلام

و هي تعتبر افضل وقت لتلقين الطائر الكلام

و لكن يجب ان تركز على كلمه واحد كي يحفضها

و هي بشاره خير ان شاء الله



الســـــــــــــــؤال ::

لقد قمت بقص الجناحين منذ تقريبا شهرين ولكن بطريقة اثرة على مظهر الطائر هل من شيء اعمله له لكي ينموا الريش مرة اخرى مع العلم ان عمره ستة اشهر


الجــــــــــــــــــــــــواب ::

كما ذكرت الطريقه خاطئه و لم يراعى الشكل الجمالي في طريقه القص

طبعا في الوقت الحالي لا يمكنك عمل شي

و لكن الريش سوف يسقط و يظهر ريش جديد و لكن بعد وقت طبعا
فعليك بالانتظار

http://www.2zoo.com/vb/showthread.php?t=49602



الســـــــــــــــؤال::

الكاسكو مالي لمن احطه على ايدي بالغرفة يحاول انه يرد القفص ماله

و لمن اطلعه بره و اتمشى بالبيت يقعد على ايدي و مرات يبط جبدي و ينقز يروح على الارض و يحاول ينحاش مني

فمادري ما عليكم امر تقولولي شسوي هل اني اخليه على ايدي و لا اخليه بالقفص ..


الجــــــــــــــــــــــــواب ::

استمر على نفس المنوال لمده لا تقل عن اسبوعين

و حاول تكرار الطريقه مرتين في اليوم على الاقل

و بعد الانتهاء عليك بالمكافاءات مثل الفول السوداني او ما يفضل
الطائر من طعام

و ان شاء سوف ترى نتائج طيبه



الســـــــــــــــؤال::

عندي كاسكو عمره سنتين, مشتريه من اكثر عن شهرين والف جو البيت وكل شي تمام

وماشاء الله يتكلم حتى احيانا يصيبني بصداع من كثر كلامه واصواته اللي يقلدها والببغاء ذكي

وياكل من يدي عادي وكل شي

لكن المشكله ما يسمح لي بلمسه ويعض باستمرار

وجربت طريقة مستر ميمو عشان ادربه يطلع على اليد بالقفاز وكررتها كثير ولكن مافي فايده يعض وشكل التدريب ما يفيد معاه

جربت اجوعه وياكل من يدي تمام واحيانا يعند وياخذ الاكل ويرميه بعيد بمنقاره وهو على يدي بالقفاز وطبعا طوال فترة وجوده على يدي بالقفاز وانا مثبت رجله يصرخ ويجعز

هل فيه حل ؟ او خطا مني في التدريب؟ أريد طريقه فعاله لتدريبه للصعود والوقوف على اليد والسماح لي بلمسه وحك راسه بدون محاولة العض

لان شكله والله اعلم صار يخاف كل ما يشوف القفاز لدرجة كان برا القفص اول ما شافني لبست القفاز دخل ركض في القفص ههههه, طبعا ادربه بمكان بعيد عن القفص بغرفه ثانيه


الجــــــــــــــــــــــــواب::

الطائر كبير في العمر و يصعب تدريبه بسهوله امامك طريقتين

الاولي

كسر العناد الذي بالطائر و الصبر حتى يتعود على طريقه القفاز

الثانيه

هي الاستغناء عن القفاز و ملاطفه الطائر بشكل يومي و التودد اليه
و التقرب من جسمه شي فشيئا و المسح على ارجله مثلا بكل هدوء
حتى تصل الى جسمه و لكن الموضوع يحتاج شي من الوقت

و اتمنى لك التوفيق



الســـــــــــــــؤال::

عندي كاسكووووو دوم يبغي يعضني حتى لما احط له اكل والشراب ما اسلم يحاااول يعضني
شرش وايد حتى لو شافني ينفخ ريشه وينبح زي الكلب هههههه
بس انا عنيده وياااه احاول اتقرب وياااه بس كله يبغي يعضني
عمره سنه ونص كمل ويااي اكثر من اسبوعين
شو الحل


الجــــــــــــــــــــــــواب ::

يعتمد الموضوع على نوع القفاز و سماكته

فأن كان من النوع السميك لن تكون العضه مؤذيه ابدا



الســـــــــــــــؤال::

أنا عندي مشكلة في طيري الرمادي

مدري وش فيه دايم يحك صدر وبطنة وينتف الريش وريشة بشكل عام معد هو زي أول يلمع صار باهت

رحت لم دكتور في الحياة والطبيعة وعطاني مضاد حيوي بودرة أخلطها مع الموية بس مافاد

المشكلة الثانية مدري هي مشكلة ولالا بس أنا ألاحظ على الطير يتنفس مع فمة لآن فمة دايم مفتوح وديت لم طبيب قالي عند عيب في خشمة الجواب


الجــــــــــــــــــــــــواب ::

بخصوص نتف الريش اليك الموضوع التالي

اتمنى ان تقراءه و تستفيد منه

http://http://www.2zoo.com/vb/showthread.php?t=36866

بخصوص الحاله المرضيه و التنفس فلا علم لدي



الســـــــــــــــؤال::

ارجوكم ساعدوني ببغائي له 6 اشهر ولم يتكلم الاان
بالرغم انه يصفر ويطلع صوت غريب اوقات كانه صوت غرغره فلا اعلم هل هي بداية انه سوف يتكلم
ويطلع على يدي ولكن مستحــــــــيل انه يسمح بان ان امسح على راسه
وعمرها حول السنه اتوقع
تكفون جربت التسجيل ولا نفع جربت كل شي
طبعا انا اكثر شي اقوله اسمي ابغاه ينطقها واسمي بندر لااعرف هل السبب هو صعوبة نطق اسمي

ملاحظـــــــــــة
صرت ألاحظ عليه انه يشرب وياكل بشكل عجيب ماكان كذا
حتى بالبرد صار يشرب أكثر من الصيف
ياليت اللي عنده علم يفيدني وشكرا لكم


الجــــــــــــــــــــــــواب ::

اخوي ببغائك مب اطرم بس يبي له صبر ... وصوت الغرغره بأذن الله بيكون بداية الكلام
يمكن لان عمره شوي كبير ويبي له صبر ... بنسبه لـ سيكو تكلم تقريبا بعد 6 اشهر
اخوي المسأله مجرد صبر ولاتيأس (( لايأس مع الحياة ولا حياة مع اليأس))



الســـــــــــــــؤال::

اخواني عندي مشكله امس شريت كاسكوو عمره تقريبا سنه ونص

من امس الاحظ عليه ما ياكل ابدا كل ما اقرب منه يجعر ويخاااااف ويقفز على اعلى القفص

ما يبغي احد يقرب صوبه وان حاولت امسح على راسه يجعر ويبغي يعضني
شو الحل ؟؟ اخاف يمووت من الجوع بدرجه افكرت ارجعه للمحل بس هم البضاعه لا ترد ولا تستبدل شو الحل؟


الجــــــــــــــــــــــــواب ::

اختي العزيزه الببغاوات تعتبر القفص هو بيتها انتي افتحي القفص من فوق وهو بعد فتره بيطلع لحاله ويجلس فوق واذا احد قرب منه من خوفه بيدخل لحاله او اذا كنتي خايفه مررره ارفعي القفص وخلي ارضية القفص بمستوى راسك

http://www.2zoo.com/vb/showthread.php?t=48780



الســـــــــــــــؤال::

انا عندي استفسار بسيط بخصوص المنقار احس منقار الكاسكو حقي طويل شوي غير اللي اشوفه في النت وقريت عن عظم بس ما اعرف اسمه ولا اعرف من وين احصل عليه اذا ممكن افاده


الجــــــــــــــــــــــــواب ::

اخوي شوف دور في محلات الطيورالكبيره اذا يبيعون مجثم مخصص لبرد الاظافر والمنقار واذا مافيه عط الطير خشب يقظم فيه او لوز بقشره او جوز بقشره حبتين في اليوم
واذا عجزت وده البيطري يبرد منقاره
تحياتي

http://www.2zoo.com/vb/showthread.php?t=48745



الســـــــــــــــؤال::

ياشباب أنا عندي أفريقي صار ياكل من يدي بس يجعر هذا يدل على أيش؟؟
ويصفر أذا صفرت بس وأبيه يصفر من نفسه كيففففففففف؟؟؟؟


الجــــــــــــــــــــــــواب ::

بخصوص التجعير هذا شي عادي ومع الايام راح ينقطع .

تبيه يصفر من نفسة جرب وحطه في الصالة مع الاهل ولا تعمل له اي احساب ولا كأنه موجود

هو من نفسة راح يسندركم ... انا لاحظت في بعض الاوقات كل اصفر او اكلمة مايرد

لكن لما اخلية مع حشرة الاهل (( مايقصر من نفسة من غير طلب ))

http://www.2zoo.com/vb/showthread.php?t=48893



و اتمنى التوفيق