|
رد: هل قطتي طبيعية ؟!
لا اول مرة كانت انشط بس المرة الثانية يمكن علشان خليته يطول مرة اتغيرت وصارت بس تبغا تنام وماتبغا تلعب حتى لو حركت الالعاب تبعتها قدامها ماتلتفت لها..
عمرها شهرين تقريباً
لا مافيها براغيث
وحالتها الآن نوم واذا قامت تجلس تلحس جسمها كأنه يحكها وفجأة زي ماقلت تنفض كأنه شي يقرصها حتى وهي تمشي تنفض مرة رجليها الامامية مرة الخلفية كأنه فيها شي عالق .. لو فيها براغيث حتبان لانه شعرها محلوق ..
طيب لو حوقف البيتادين كيف عالفطريات بدأت تطلع قشور والاحمرار غمق لونه ..
مو عارفة علشان كدا محتارة هل اوقفه او لا دام عندها اسهال؟
هي كان عندها جرعة بيتاموكس ٥ايام انتهت قبل امس محل الحيوانات اللي جنبنا نصحني استمر كمان ٣ ايام بس خفت لانه مضاد حيوي مافيه الواحد يخاطر بالموضوع.. ايش رأيك؟
هي باليوم الواحد بتبرز ٤ او ٥ مرات بس مشكلة قوامه على اخر مرتين مرة سايل ومايل عالشفاف لانها بتشرب موية كثير
وفي شي نسيت اقوله اول ماجاتني كانت رجل من ارجلها الامامية فجأة تطيح منها .. قبل شوي فجعتني اطرافها مالت وطاحت عالارض المشكلة دي الحالة نادر تجيها يعني اخر مرة جاتها قبل ٤ايام ولما قلت للدكتور عنها قال مافيها شي اهي بتمشي كويس فما اعرف ايش دي الحالة.
|