|
رد: | دعوة للنقاش | أسباب شراسة طائر البادجي |
اقتباس:
المشاركة الأصلية كتبت بواسطة طير الهوى
،،
والله وانا اخوك هذي مشكلة ممكن نحط لها عدة أسباب :
1/ الهواش على صناديق التعشيش ، وهذي دائما ً تصير .. وبعضهم يقول حل هالمشكلة انك تحط كل صناديق التعشيش في ارتفاع واحد وبشكل واحد علشان ما يكون فيه فرق بين كل صندوق وصندوق .. لكن أنا سويت هالشي وبرضو احياناً يتقاتلون ، وفيهم عناااااد موب طبيعي .. كل واحد مصرّ إلا ابي هالبيّاضة !!
،،
|
كلام سليم جداً..
وأحيانا يكون فيه عناد عجيب بلا سبب واضح لنا 
وفي حالتي المكان اصلا ما فيه صناديق تعشيش 
مكان زي ما قلت سلاكة الفروخ لحد ما يكبروا
اقتباس:
المشاركة الأصلية كتبت بواسطة طير الهوى
2/ اناث تتهاوش على ذكر او ذكور تتهاوش على انثى
،،
|
كلام سليم وهذا احتمال وارد 
اقتباس:
المشاركة الأصلية كتبت بواسطة طير الهوى
3/ اذا خلطت طيور جديدة مع مجموعة متجانسة من قبل .. علطول راح يبدون يتقاتلون علشان تتوزع تراتيبية المجموعة من جديد ، حتى لو اضطرت انها تذبح بعض .
ويمكن فيه اسباب اخرى لكن اشوف ان هذي اهم الاسباب ..
،،
|
مشكلة طلب السلطة هذا 
اقتباس:
المشاركة الأصلية كتبت بواسطة طير الهوى
وتحصل عندي مهاوشات .. لكن الحمدلله ما توصل لمرحلة القتل .. لكن والله عندي طيور واجد مالهن اصابع هههههههههههههههههههه يتهاوشون ويعضعضون بعض واخرتها كل طير ناقص اصبع او اصبعين ..
كل يوم وانا طالع للدوام امرّ على الطيور قبل .. ومره سمعت صوت غريب مهب صوت بادجي ..!! رحت اشوف وش السالفه لقيت انثيين يتهاوشون على بياضه والمشكلة انهم داخل البياضه .. وحده كرست ووحده انجليزي .. والكرست لها البياضه وتحتها بيض .. نزلت البياضه وفتحت بابها وحاولت اطلعهم عجزت .. بديت اخض البياضه كأني ( أكبّهم ) وطاحوا بالارض وما زالت كل وحده عاضه الثانيه وترفض تفكها والدم يا سااااتر .. احاول افكهم بيديني عجزت ولا كأن آدمي ماسكهم !! اخر شي يوم شفت ان الوضع ميئوس منه قفلت معي وشلتهم بيدي وصفقتهم بالجدار هههههههههههههههه وكل وحده عاد من الدوخه فكت الثانيه .. عاد فصلتهم والحمدلله الخساير مجرد اصابع ^.^
،،
|
أنا لاحظت عندي كم انثى ناقصهم اصبع أو نصف اصبع 
 مالك حق تشوتهم خاف ربك فيهم 
اقتباس:
المشاركة الأصلية كتبت بواسطة طير الهوى
ادري طولت عليك لكن خميس والفضاوه تشكي شوي ^.^
الله يحفظك ويحفظ لك طيورك .. ويحفظ لنا طيورنا ..
،،
|
وإياك يا غالي
اقتباس:
المشاركة الأصلية كتبت بواسطة عفشورة
والله مشكله اللي عندنا ثنين يتضاربون الأنثى تنقر الذكر وصارت مستقويه مايقدر يسوي شي كل ماجا ياكل نقرته فشلت هم الحين لو جابت عيال ياساتر منهم مشكورين
|
الله يكون بعون الجميع 
اقتباس:
المشاركة الأصلية كتبت بواسطة adrooo
عليكم السلام ورحمة الله
الله يعوضك
وركز على الاناث
وحاول تعرف وتعد جنس الضحايا
|
جاري المتابعة والملاحظة وربك ييسر
|