عرض مشاركة واحدة
قديم 16-09-2017, 10:22 PM   #1
fawzi
محترف جدا
 
الصورة الرمزية fawzi







موضوع مهم ارجو الكل يطلع عليه

اخواني واخواتي اعضاء المنتدى الكرام طبعا انا لي فتره كنت منقطع على المنتدي وهذا شيء خارج إرادتي بحكم عملي وظروفه المهم انا ما راح أطول بالشرح عن أسباب الإقطاع ههههههه .
اخواني انا لاحظت ان الكثير من المربين يشتكون من بعض سلوكيات طيورهم وهذا سبب يرجع في طبع المدرب او المربي سواء كان محترف او هاوي فيه معلومه مهمه عن سلوكيات الببغاوات وخصوصا الافريقي ممكن تكون جديده على المربي الجديد اما المحترف اكيد يعرفها لاكن يغفل عنها بعض الأحيان ...لو نظرنا الي كل الببغاوات كل طير وله نقطه ضعف وله مميزات عن الآخر وانا راح أتكلم عن الافريقي بصفه عامه لأني من عشاق هذا الفريد من نوعه أول شي لازم اعرف ان الافريقي طير حساس واجتماعي وتركيبه عقله وتفكيره نفس الطفل البشري في عمر خمس سنوات يحب يلعب وحركي ويستوعب كل شيء حوله واهم شيء عنده الأمان والمربي الفطين راح يلاحظ أن الطير دائما يناظر فيه وهذا دليل على ان الافريقي ذكي وعنده استطاعة ان يقرأ الافكار وهذه صفه فريده من نوعها الي ألله سبحانه وتعالى وضعها في هذا الطائر العجيب الي درجه ان عنده ذاكره تخزين لحفظ الكثير من المعاني والمفردات وله القدره على عمل بعض الحركات نفس طريقه الأكل والرقص والتثاوب وأشياء كثيره لم تكتشف لحد هذه اللحظه ..البعض منا يشتكي من نتف الريش لدى الببغاوات وهذه طبعا يرجع الي عوامل كثيرة منها مرضى وأكثرها تكون حاله نفسيه وأسبابها التوتر والخوف والارباك وهذا يخلي الطير كأنه في سجن لا يستطيع الطيران ولا اللعب ودائما يكون وحيد في عزله لاكن لو فرنا له جميع الاحتياجات الخاصة راح يمنع ويخفف الهواجس عند الطير لأنه في الطبيعة والموطن الاصلي للطير لم نلاحظ نتف في الريش والأمراض تكون نسبتها قليله مع المقارنه في الأسر يعني اذا كنت ابقي ان الطيرك يعيش معاي وقت طويل لازم اني أهتم فيه من جميع النواحي من نظافه القفص تقديم الطعام والشراب وضع الطير في مكان مناسب وفيه تهويه بعيد عن الأشياء اللي تخليه ينزعج أبعاد الحيوانات الاليفة عنه تعريض الطير الي اشعه الشمس الغير مباشره هذه اشياء بسيطه نستطيع أن نعملها وهي تعتبر حقوق الطائر نفس انت ما تبقي من الطير برضو هو يبقى منك وفيه شغله مهمه يمكن البعض منا سواها وانا لي تجربه شخصيه وهي انك تنزه الطير معاك تطلعه بره البيت نفس انت ماتتملل وتبقي تشم هواء نقي وتشوف الطبيعه والأشجار والنباتات هو نفس الشيء هذا كائن حي عنده احاسيس ومشاعر .اتمنى اني ماطولت عليكم بالموضوع لأني والله اعرف ان أكثر الإخوان المربين والمحترفين عندهم خبره في الموضوع لاكن بالنسبه الي المربين الجدد لازم أنهم يأخذون الموضوع بجديه .اتمنى من الله العلي القدير ان يحفظ طيوركم ويبعد عنها الأمراض انه على كل شيء قدير... والسلام عليكم ورحمة اللة وبركاته.
__________________



امراض الطيور
http://www.2zoo.com/vb/showthread.php?t=195810
المضادات الحيويه
http://www.2zoo.com/vb/showthread.php?t=198957
fawzi غير متصل   رد مع اقتباس