[yehia*ziad]

السلام عليكم
كلبتنا من يوم من جت واحنا رابطنها في اى مكان سواء سور او سلم يعنى حرة طول الوقت
جبتلها بيت خشب معقول مش صغير ولا كبير كانت بتدخله قليل جدا جدا علشان تنام وبعد كده رفضته خالص واصبح زي قلته
بس المشكلة بتتمشي في السطح وقطعت اسلاك الدش بتاعة الجيران
فاضطريت اجيبلها قفص حديد علشان احطه في مكان بعيد عن اى اسلاك
بس اللي حصل انها رفضته جدا .. المفروض بندخلها القفص بالليل يعنى بعد ما الشمس تروح من السطح لكن بتفضل تهوهو وتنبح بصورة مرعبة ده غير الرفص وتقطيع الكرتون وقلب الاكل والميه ..
طبعا خرجناها علشان متزعجش الجيران بصوتها
لكن امبارح قررنا نسيبها ومنستسلمش ليها علشان تاخد عليه .. والله تقريبا مش اقل من 4 ساعات او اكثر نباح متواصل كان حد ماسك ديلها او دايس عليها اللي هو صوت استغاثة يعنى
النهاردة دخلتها الصبح وحطيت لها اكل وميه وكالسيوم العضم تتسلي بيه لكن مجرد ما سببتها ونزلت هيستريا ملهاش حل مقدرتش استحمل الصوت وخفت عليها طلعت لها لقيت بهدلة ملهاش وصف لدرجة القفص الحديد اتحرك من مكانه
اعمل ابه علشان اخليها تاخد عليه لان وجودها من غير قفص عامل مشكلة كبيرة