[صمت الأمل]

المشاركة الأصلية كتبت بواسطة ﮭاﯠﯥ ﻄﺒﻴﻊﯥ

يااااااالله والله أسعارهم غالية

لو أبيع دجاجي كلهم ما جابو سعر المهجن

هاا السعر طلع مشكله

أن تحمست وشريت ديك واحد

وجاه شي أو مات لا سمح الله بيغمى علي

عااد ما خلت هاا الأمراض دجاجي في حالهم

ما يمر شهر ألا وجايهم شي من هاا الأمراض

الله يقطعهم وأسعارهم كانهم يحطمون الواحد

أممم أنا موصي على صوص براهما

و شرايك أوصيه بعد على صوص فارسي و أبدا معهم من البدايه

و أربيهم مع الصوص و أذا كبرو أنا شاء الله بـ أنتج منهم

أو عندك حل ثاني

المشاركة الأصلية كتبت بواسطة ﮭاﯠﯥ ﻄﺒﻴﻊﯥ

والله أدري كثرت عليك الأسأله

بس والله ما أدري وش بسوي

في خيارات كثيره بـ النسبه لي

أما أشتريها كبار ولا وسط ولا صوص أو حتى بيض

و ما عندي مشكله في أي شي

لكن وش أفضلها .. ما أدري


والله ما قصرتي صمت الله لا يقصر بعمرك

كفيتي و وفيتي يامال الجنة

لا ابدا كثر الأسألهـ وخذ راحة راحتكـ ,, يقولون اسأل مجرب ولا تسأل اللي ماجرب ..



أنا جربت تربية البيض _ الصيصان الصغيرة _ الدجاج الوسط _ الدجاج الكبير ..



أفضلهم مناعهـ وأقواهم وأحسنهم صحة الدجاج الوسط .. يعني بعمر الشهرين الى 5 أحسن شيء ..



أكثر من الخمس شهور ما أدري ليش تكون مناعتهم ضعيفهـ خصوصا اذا بدأ صوتهم يتغير ,, صار لي مواقف كثيرهـ جدا معها اذا تغير المكان عليهم مع تغير الأجواء يموتون ويعدي الباقي . لكن كل شخص ونصيبهـ ,, أهم شيء تفحصها زين في السوق .



الدجاج الصغير بعمر الشهر لازم تقول لنفسكـ كل يوم قبل ماتشوفهم في الصبح : احتمال أشوف اليوم واحد ميت . عشان ماتجيكـ صدمهـ نفسيهـ خصوصا اذا كانت هالصيصان مع أطفال (( مثل حالتي )) غير كذا واللهـ حلوهـ وممتازة وتتحمل ومضحكة جدا تصرفاتهم وإستكشافاتهم .



البيض اللهـ يعينكـ على حرقة الأعصاب ,, كل يوم راح تروح وتجي عند الفقاسهـ وتشيكـ عليها 3 مرات باليوم أو بعد كل صلاهـ عشان ماتنسى ,, واللهـ كأنكـ مدمن هيروين وتدور عندها عشان تعطيكـ شيء .



واذا فقس راح تنسى كل هالتعب في لحظهـ ,, لكن لازم تعتني بهم زييين وتعلمهم كيف ياكلون الاكل ويشربون الماء , اذا علمت واحد يكفي .. لأن إخوانهـ راح يقلدونهـ . والأسبوع الأول هي مرحلة الخطر ,, بعدها ممكن تتركهم بشبك خاص برا البيت .



وأخيرا وليس آخرا ,, الدجاج الكبير .. هذا بصراحة حالة إستثنائيهـ ,, لأن ممكن أي شخص يغشكـ بهـ ويقول لكـ إنها تبيض وهي كبيرة بالعمر ..



راح أنزل موضوع راااائع مترجم عن الدجاج وكيف تعرف انها تبيض او عجوز بطريقة جدا سهلهـ وسريعهـ .



أنا عطيتكـ مميزات وعيوب كل نوع من أعمار الدجاج ,, إختار اللي يناسبكـ منها ..



ولكن بصراحة وبتجربتي الشخصيهـ أمتعها هي البيض .. لأنكـ راح تعيش معهم لحظهـ بلحظهـ وتلاحظ نموهم السريع وعشقهم لكـ وإعتمادهم عليكـ وثقتهم العمياء فيكـ .. واذا خسرت أحد منها واللهـ راح يوجعكـ قلبكـ عليهـ ,,



لكن لازم تكون فقاستكـ مضمونة التفقيس ,, والأفضل تجرب في الصيصان البلديهـ قبل ماتجرب في بيض دجاج الزينهـ الغالي ..



واذا فقس ممكن تفتح لكـ مشروع صغير مع الدجاج البلدي ,, واذا جمعت مبلغ حلو إشتري بيض دجاج الزينهـ الغالي وراح يجيب لكـ مكسب خيالي ,,



وتجمع هواية التربيهـ مع الخبرة في مكسب وتجارة مضمونهـ ..



وأنصحكـ أيضا انكـ تنتبهـ من دجاج البراهما .. صحيح هو جميل جدا وغالي لكن للأسف مايتحمل أجوائنا ,, وكثير من الناس يشتكون انهم يشترونها وتموت أو تكون خاملهـ جدا ومرهقهـ وبعدها تموت .
ولازم يقصون ريشها ويخففونهـ عشان يساعدها تتحمل الحرارة .



عندكـ القطني _ بينسل أو القلم _ سبرايت _ ياباني _ بولس ملحى _ بوم _ كوري _ مكشكش ,, وغيرهم الكثير ..



راح أضيف لكـ صورها ..



يتبع ,,