|
رد: محتاج مساعده
الطريقة غير صعبه ولكن تحتاج الى الصبر الكبير على الطائر
في ما يقارب طريقتين وهذيلا الطريقتين عن تجربتي انا مع طائر كانت تغذيته فقط بذور دوار الشمس وأتمنى تنفع معاك واخي الموضوع ما بيحتاج بيطري لان ما اظن بينفعك البيطري لكن بما انك في ألمانيا فماشاءالله يعني هناك تكون عندهم مكملات غذائية وتغذيه للطيور كثير أنواع وبما ان طائرة يقوم بالتنتيف فأنصحك انك تشتري له هارنس خاص للطيور وإذا كنت حاب تتعرف ايش هو الهارنس وفوائده وغيره وبتتوفر لك الإمكانية انك تشتريه ببلغك ايش هو بإذن الله
الطريقة الاولى : تجيب بذور دوار الشمس وتحط نسبة قليله منها وتجيب فاكهة او خضار وتحطها مع البذور وأحاول ان تكون نسبه البذور اقل من الفواكه او الخضار اللي بتحطها له وبعد ثلاث ساعات شيل عنه هذي الفاكهة او الخضار عشان ما يتخمج ويصير تسمم للطير لا سمح الله واستمر على هذا الشيء لمدة اسبوع تدريجياً وكل يومين حاول تجرب فاكهة او خضار جديده على حسب تقبل الطائر ولازم تقوم بإطعامه ثلاث وجبات باليوم يعني الصباح الساعه مثلا ٦ عطيه وجبه و بعدين الساعه ١ او ٣ عطيه وجبه وبعدين الساعه ٦ مغرب عطيه وجبه المهم انك تقسم الثلاث وجبات و تسوي الطريقة الاولى
الطريقة الثانية : انك تجيب صحن الفواكه وتقصص فيه الفواكه المفيدة له وغير المضرة يجب عليك ان تعرف الفواكه و الخضار المضرة و الغير مضرة وتتثقف في ذلك وبعد ما تقصص تروح انت تاكل معاه في الصحن و هو بيجيه فضول انه يستكشف ويريد يأكل وبيأكل بإذن الله
اهم شيء انك الحين توفر له الألعاب في القفص وتتبع النصائح اللي قلتها لك قبل وبإذن الرحمن بيتحسن ويتعافى
وطمنا عليه
ونأسف على الاطالة ....
Sent from my iPad using 2zoo.com mobile app
|