اقتباس:
المشاركة الأصلية كتبت بواسطة القدساوي
السلام عليكم ورحمة الله وبركاته
عدنا لكم من جديد بعد احداث جديده وسؤال غريب نوعا ما...
طبعا بالنسبه للزوج اللي اخذته راكب مع بعضه لحد الان ماشفت اي تطورات تدل على قرب الانتاج ومنتظر ان تحدث بعض التطورات
الانثى كانت تدخل لصندوق البياضه كل ما دخلت عليهم المحميه لتغيير الاكل والماء وهذه الحاله كانت قبل اسبوع او اسبوعين واستمرت لفتره اسبوع ولكن الان رجعت لوضعها الطبيعي ماشوفها تدخل الصندوق لما ادخل عليهم فما هي الاسباب برأيك وما الذي يجب عمله؟!
اما بالنسبه لزوج اليلوناب اللي كلمتك عنه وتحت وضعية التركيب لحد ىالان ما ولفو بعضهم البعض الانثى خايفه على طول وخليتها مع الذكر الغير الشرس وهو يبادرها مرات بالتقبيل ومرات يتعلق بأعلى القفص ومرات يرجع ومرات يهدى ... فما هي نصيحتك الان بخصوص هذا الزوج
والحاله الثالثه هي .. اخذت زوج افريقي من شخص قبل اسبوع والذكر على طول بالصندوق وكل مادخلت يدخل الصندوق لانه خواف ووحشي .. اما الانثى على طول بالخارج وماشوفها تتقرب او يتقرب منها فهل هم غير زوج متوالف !؟ وهل يمكن يتوالفون مع الفتره .. مع العلم بأنه الشخص اللي اخذتهم منه يقول بايضه على كلامه بس انا مو متأكد من هالشي بعد ماشفت هالوضع .. ام هل لسبب تغيير المكان تحصل هذه الحاله ؟
ومره من المرات كنت حاط قفص زوج اليلوناب بجانب زوج الافريقي فكانت انثى الكاسكو تتودد لفحل اليلوناب وكان ايضا يتودد لها ويحطون منقارهم بمنقار بعض .. والغريب بالامر ان فحل اليلوناب كان صايم عن الكلام من فتره ونادر جدا مايتكلم لكن بهذا اليوم انصدمت انه فتح بالكلام ويصارخ ويتكلم ويحاول يتذكر كلامه..طبعا كل هذا شفته بالكاميرا
عالعموم .. رجعت ثاني يوم شفت انثى الكاسكو مصابه من ذكر الكاسكو كان مهاجمها ومتعوره في جناحها الصراحه وزعلت على هالشي... على كل حال انا خليتهم مع بعضهم ماشلتها عن فحل الكاسكو وماشفت منه اي هجوم عليها لحد الان
ولكن شلت قفص اليلوناب بعيد عن قفص الكاسكو...
فأرجو منك ابداء رأيك بكل هذه الامور وارجو منك النصيحه
وسؤال اخير وغريب الصراحه وطبعا بحثت بالمواقع الاجنبيه عن هذا التساؤل ووجدت بعض الاجابات بالموافقه والاجابات الاخرى بالرفض..
سؤالي هو :
هل من الممكن تركيب ذكر اليلوناب وانثى الكاسكو بما انهم يتوددو لبعضهم البعض وهل ممكن يفرخون !!
ولو بحثت بالقوقل عن شغله اسمها (cross-breeding different species hybirds ) ممكن تلاقي بعض المواضيع عن هذه الامور مثل تركيب نوع طير مع نوع اخر وحصلت مسبقا لكن ماهو رأيك بالامر !؟
|
عليكم السلام ورحمه الله وبركاته
حياك الله
بخصوص الزوج الراكب .. التصور غير واضح وهو مجرد سلوك ممكن
و رأيي أن تستمر بما انت عليه و بأذن الله يحدث تحول بما أننا ببدايه موسم للأمازوني
اما الزوج الي تحت التركيب مثل ماذكرت لك بالسابق كنت اتمنى الإبقاء ع الذكر الثاني
حتى وان كانت شراسته أكثر لكن أفضل فحوله من الأخر
لكن أستمر فتره إضافيه واعطائهم فرصه أكبر و إن لم تلاحظ تحول حتى لو بعدوانيه
من الذكر تجاهك دفاعا ً عن القفص و الأنثى وقتها يكون لك القرار و تكون كونت صوره
بالتبديل من دونه
بالنسبه للزوج الأفريقي ( الإفريقي بطبعه حذر وحساس و هذا سلوك متعب بالإنتاج )
قد يكون هذا سلوك تعلمه الذكر من المالك السابق
و بالغالب الجميع يعاني من نفس المشكله الصندوق = مكان أمن منك
لكن بخصوص الأنثى إذا بايضه تقدر تتأكد بنسبه كبيره من خلال الكشف
بتلاحظ العظمتين متباعده و شبه هبوط بالمنطقه الي بينهم لكن العظمتين
دلاله كافيه ع ذلك لكن حاول توفر أكبر وقت من إستقلاليه للطيور حتى يأخذ المبادره بالتودد لها
بخصوص اليلوناب و الأفريقي
قد يكون هناك تودد ببعض الطيور وقابليه مثل ماحصل مع السيده
التي قامت بتهجين الكروان مع الجالا قبل سنوات مع الإنتباه بأنفهم من نفس الفصيله
اما غير ذلك مثل ماوضعت انت يعتمد ع الكروموسومات
بالنسبه لي سبق وفكرت بهالأمر برغم تعبه الشديد ولو وفقت انت مرتبط بمجتمع
لايقدر مثل هالأمور ولا يثمن المنتج الي تملكه من التهجين لذلك صرفت النظر
برغم مثبت مقاطع تلقيح بين يلوكراون مع يلوناب والعكس من سنه ونصف ففكرت بأن الإنتاج سيكون
ك ترويج فقط ولن يقدر أحد ماانتجت لذلك قمت بفصلهم
إذا احببت تحتاج الإبحار بالبحث والإطلاع على المقالات المختصه عن تجارب الغرب
لكن عليك التأكد من قابليه الطيور لبعضهم , والله يكتب لك الصالح و مافيه الخير لك
بخصوص جرح الأنثى تصرف طبيعي غريزي من الذكر و ماقمت به بالفصل صحيح
بأذن الله الموسم طويل قدامك و ركز متابعتك ع الزوج الأول
خصوصا ً و أن ولله الحمد اليلوناب بدأ الموسم وبعض الأخوان أزواجهم مبيضه
و اسأل الله أن يبارك لهم و يتمم لهم هالأيام ع خير - تمنياتي لك بالتوفيق