["بوقاسم"]

السلام عليكم

لي موضوع في المنتدى عن طيوري وهذا هو الرابط:

http://www.2zoo.com/vb/showthread.php?t=331919

لكن الحين بعت الكوكاتو ترايتون لأنه أزعجني ومب راضي ينفطم
والكاسكو حطيته في بيت الوالد .. استانسوا عليه اخواني

والحين باقي عندي كيوي "يلوناب" وشريت بنكي "ميجر ميتشل"

والحمد لله أنا سعيد مع هالطيرين



وهذي صور ونبذه عنهم

أولا: كيوي
النوع: يلوناب أمازون
الجنس: الله أعلم - على افتراض انه ذكر
العمر: 9 أشهر ونصف تقريبا

الكلام: بداية كلام، يقول: السلام عليكم .. كيوي .. هلوو كيوي .. يضحك ويخربط فالكلام

شريته وعمره 3 شهور ونص تقريبا "غر" والحين الحمد لله انفطم ويعتمد على نفسه في الأكل



كيوي مشاغب، ياكل من اليد وتمسح على راسه وجسمه وينسدح على ظهره وهدد، يجيك طيران والحمد لله
حذر جدا، خواف بعض الشيء .. لكنه ذكي وحبوب .. يفهم كلمة حبييييبي ويتطمن إذا سمعها

يعض لكن الحمد لله أعرف له .. وأتمنى في يوم من الأيام يترك عادة العض السيئة




طلعت له ريشه صفرا في الجناح

وبدا الون الأصفر يبين في مقدمة الرأس



يحب اللعب والشقلبة وتكسير الألعاب .. وتخريب وايرات الكهربا





مثل ما قلت .. حذر، ومستعد للطيران إذا صرخت عليه وجيته معصب





ثانيا: بنكي
النوع: ميجر ميتشل كوكاتو
الجنس: أنثى والله أعلم .. تكبر شوي وبيبين إن شاء الله من لون العين
العمر: 9-10 أشهر تقريبا



بنكي مدللة دلوعة، مميزه بعرفها الأحمر والأصفر والمخيف للطيور الثانية خصوصا كيوي إذا جا يهجم



تنثر الأكل في كل مكان ومميزه بحركة راسها والتفاتتها السريعة، عكس كيوي



الحمد لله ما تعض، إلا لما أسبحها لكن الحمد لله ما تهجم بس تتمسك بمنقارها بقوة



مزعجة جدا إذا رحت عنها، اجتماعية بشكل كبير وما تحب الوحدة ما شاء الله



تخاف من زوجتي مادري ليش يمكن لأن الحريم ما يحبون بعض

تحب تتسلق القفص وحركية ما شاء الله عليها



تحب تركض على الأرض وركضتها تهبل ما شاء الله




هذي نبذه عن طيوري .. اختموا اعجابكم بالدعاء بالبركة

ومشكورين