|
رد: مشكله التبول في غير المكان المخصص
كنت عارفة انه حيصير كذا...
هل القط يتبول على كنبة. حدة بعينها ولا على كل الكنب؟
للاسف ريحة البول مهما نظفتي انتي ماتشميها بس هو يشمها لانها دخلت جوا اسفنج الكنب..انتي نظفتي الظاهر..اذا الاسفنجةتطلع شيليها واغسليها وحطيها بالشمس..يقال ان الخل يزيل رائحة البول خففيه بموية ورشيه خليه يتغلغل فيها ولاتخافي الخل ريحته تختفي ماتعلق
وكمان غسول الفم يزيل ريحة البول ويمنع القطو يقرب للمكان
اذا تقدري تغطي الكنب ببلاستك او قصدير لفترة لحد ماينسى..القطط ماتتبول عالاماكن الملسا والاكياس
اذا القط يتبول في كنبة بذاتها حطي اكله على نفس الكنبة لمدة عشر ايام
يوميا تقدميله الطعام على نفس المكان ..القطط ماتتبول عالمكان اللي تاكل فيه..كمان حطي حبات الدراي فود عالكنبة مباشرة وخليه ياكلها عليها بدون صحن
اهتمي بنفسيته...القطط تلجأ للتبول عالاثاث كرد فعل لماتكون متوترة
وسالفة البوكس المغلق ازعجته ...لعبيه كثير وعطيه حنان
اذا تنظفي البوكس مرة باليوم نطفيه ثلاث مرات من الحين..خليه نظيف تماما وطول الوقت...الاشيا البسيطة هذي ممكن تكون السبب وتعمل فرق
حطي بدل البوكس اثنين او ثلاثة في اماكن مختلفة..عطيه خيارات غير الكنبة...
وقبل كل هذا لازم تتأكدي ان اللي فيه مجرد سلوك سيئ او مشكلة بالمسالك البولية؟؟...القط لما يصير عنده التهاب بالبول يبدا يتبول عالاثاث
وانشالله تنحل...بس لاتيأسي واستمري عالنصايح لعشر ايام وحيتبرمج من جديد😊
|