أولاً: بخصوص الرجن
عليك بالصبر يالغالي
الدجاجه راح ترجن بس هيه مسألة وقت
يمكن لو حطيت تبن ( عش) تحت البيض يساعدها على سرعة الرجن
على العموم اذا رجنت الدجاجه لا تخلي عدد البيض يزيد عن 15 بيضه
لأن كثرة البيض يؤدي إلى خرابه أو فساده
ومثل ما قرأت للأعضاء هنا في المنتدى
إن الدجاجه إذا خلصت عناقيد البيض إلي في بطنها بعدها راح ترجن
يعني بمعنى أوضح : إذا خلص البيض من بطنها راح ترجن
ثانياً بالنسبة لتوقف البيض
هذا شيء طبيعي يالغالي
الدجاجه تبيض أيام وتوقف أيام
لا تهتم بهذا الأمر - إن شاء الله راح ترجع تبيض مرة ثانية
وإن شاء الله الأعضاء راح يفيدونك أكثر مني
انتظر فوائدهم