|
رد: كيف اتخلص من جعير الببغاء وترويضه
حبيبي الامر بسيط بس يبغاله صبر
1- لازم تخلي الطير في مكان مرتفع وياخذ على جو البيت لمدة اسبوعين تقريبا بس غير الاكل والموية والاهتمام بنظافة القفص
2- ابدا اتكلم معاه كل ماتغير الاكل والموية
3- استخدم طريقة التجويع بحيث انك تخلي الاكل قريب من القفص وكل ماتجي دخل الاكل ولما يجعر قوله عيييييب وخرج الاكل واخرج من الغرفة
4- كرر الطريقة بس كم مرة في اليوم لاتخاف بمجرد مااكل الطير وشبع نفسه يقدر يخزن لمدة يومين 48
انت حاول تعرف هو متى اكل وشبع وابدا استخدم التجويع لمدة 30 ساعة وحط له بالظبط 10 -15 حب شمسي وابدا اكله بيدك وكرر الخطوة رقم 3 كم مرة ولما يسكت قوله شاطر ورجع الاكل في القفص
بهاذي الطريقة المجربة مني انا شخصيا سكت اسواء طير كان يجعر في العالم بس وصار ياكل من يدي ويطلع على يدي ويحبني بس للاسف ماكمل معايا جاله نصيب وبعته واللي اخذه قالي انه الطير ماشاء الله مرة حار وبدا يتكلم مع العلم انه كان سنه في نفس سن طيرك
واتمنى اكون افدتك بس الصبر طيب
|