[bonsho]

انا كنت عايزة اعمل لعبة للكوكتيل بتاعى وفى المنطقة اللى انا فيها مش بيتباع لعب للكوكتيل او لاى طيور
فقلت انا اعمل بنفسى واحدة
الادوات
خيط
خرز


الخطوات:
1: نجيب خيط سميك الى حد ما واللى انا مستخدماه هنا كان جزء من اكسسوار عندى مش خيط صوف بس باردوا خيط ينفع بس يكون سميك الى حد ما ونقصها لجزئين وبالتالى يكون عندنا 4 اطراف


2: ناخد الخرز وندخله فى كل طرف ونقوم بعمل عقدة صغيرة فى النهاية



3: ودا الشكل النهائى



بالنسبة للخرز ممكن تستعملو اى خرز مش شرط يبقى خشب بس لازم يكون كبير لان لو كان صغير ممكن يسبب اختناق للطائر
والخشب احسن لانه امن اكتر والكوكتيل بيحب الخشب

ممكن انكوا تربطوا الخطين مع بعض وتحطوهم فى قفص واحد

لاكن انا خدت كل جزء وحطيت واحد فى قفص الكوكتيل واحد فى قفص البادجى
ولان قفص البادجى صغير فقصرت الشريط اللى عندهم بأنى عملت كذا عقدة فى الخيط فبقى اقصر وبقى كا عندهم لعبتين فى لعبه واحدة







بمجرد ماحطيت اللعبة فى القفص وكل واحد بدأ يلعب بيها وحبوها جدا
وان شاء الله طيوركوا تحبها
مافيش مشكله ان الطائر مش يلعب بيها اول ماتتحط لانه ممكن ياخد وقت علشان يتعود عليها ويعرف انها مش هاتأذيه هايبدأ يلعب بيها
انا اول مرة حطيت لهم لعبة فى القفص قعدوا شهر ونص عقبال ما لعبوا بيها

دى صورة لهم وهما بيلعبوا باللعبة الجديدة









ودا فيديو للكوكتيل بتاعى بونشو وهو بيلعب باللعبة

http://www.youtube.com/watch?v=rQM2NMEV38I