استفسارين ارجو منكم الاجابة عليها الله لا هانكم
السلام عليكم...
عندي استفسارين يا اخواني وبغيت حد يفيدني فيهم..
الاول: انا عندي انثى جيرمن شيبرد شو لاين عمرها 6 اشهر.
احس بنية جسمها صغيره او هزيلة بمعنى اصح مقارنه مع الصور اللي نشوفها في المواقع الاوروبية لكلاب بنفس عمرها وحاولت ازيد لها الاكل بس ما ترضى تاكل اكثر وبعدها زيدت فترات الاكل كنت اعطيها مرتين وحده الصباح ووحده بالليل يعني كل 12 ساعه والحين اعطيها 3 وجبات كل 8 ساعات بس بعدها تاكل وجبتين يعني الصباح وبالليل اما الوجبة اللي اعطيها العصر ما ترضى تاكل!!!
الحين انا فكرت اعطيها بروتينات علشان يتعدل جسمها بس قالولي البروتينات كثرتها مضره وبعد اذا عطيتها فتره وبعدها وقفت عنه بيكون مضر!!
اريد جدول دقيق لو في حد منكم عنده علشان جرعات البروتينات وبعد اذا تعرفون بروتينات ممتازه وموجوده فالامارات ياريت تخبروني..
ارجو الرد منكم بأسرع وقت لاني اليوم بروح السوق.
استفساري الثاني انا شفت ذكر جيرمن شيبرد شو لاين (دارك سيبل) عند واحد من اصحابي وما شاء الله عليه جميل جدا ودخلت في بالي فكرة اني استورد ذكر بنفس مواصفاته.
بس من خلال تصفحي في المنتدى شفت رد لأخوي الرازم يذكر انه الشولاين ما يجي الا 3 الوان اللي هيه بلاك اند تان وبلاك اند ريد وبلاك اند براون!!!
يعني الذكر اللي شفته عند صاحبي شو موضوعه؟؟ لانه فيه كسحه قويه وذيلة واصل للأرض بزياده!
ارجو المشاركة من الجميع لتعم الفائدة على الكل
|