|
اساله عن العنايه بالجيرمن شيبرد
السلام عليكم
ما بقى موقع للحيوانات الاليفه ما سجلت فيه =))
بأذن الله بشتري كلب او بدبر لي كلب المهم يصير جيرمن ! الجيرمن عشقي
من كنت صغيره وانا حلمي اني اربي واحد ! المهم الحين كبرت والحمدلله اهلي وافقو
بس الحين قاعده احاول اتثقف فيهم عشان اربيه احسن تربيه
بسألكم كم سؤال وان شاء الله تجاوبوني وتعطوني وجه =)) \
((قبل سنتين تقريبا كنت اربي قطط وانا تقريبا خبيره في عالم القطط فا نص اسألتي بتصير متعلقه فيهم شوي)) \
1- كل كم لازم انظف اذن اكلب؟ انا كنت انظف اذن قططي بهذا الزيت اللي ينباع بالصيدله (البشريه) كنت احط شوي منه على قطنه وامسح اذنها من جوا بس ما ادخل القطنه جوا كثير وكان ينظف وكان مرره ممتاز ! الله يدخلكم الجنه لا تقولون لي اشتري واحد خاص بالكلاب من محل الحيوانات! ياما وياما شرت لقطاوتي خرابيط وانلعب علي وراحت فلوسي على الفاضي =))
2- ابي وصفات اطبخها لها ؟ لا تقولون لي دراي فود! مدري عييت ابلعه =)) ابي وصفات انا اطبخها له وتصير مفيده ويفضل اني اقدر احفظها بالثلاجه وكل يوم اطلع على قد صحن واحميه واعطيه لاني عجازه =)) قولو لي وصفات كلابكم المفضله؟؟
3- خل التفاح؟؟زمان كنت اتابع قناة باليوتيوب كان واحد يربي كلاب وجاب جرو جيرمن شيبرد كان صغير الحجم وقصير الشعر وهو نفسه قال انه ما يحب اللي يصير بهالجم وانه يحبه ضخم وشعره طويل بس انه اشتري هذا عشان يجرب عليه يعطه خل التفاح! بدأ يحط له بكل وجبه شوي منه ومع الماء وبالفعل لما صار عمره 6 شهور صار ضخم واللي يشوفه يقول عمره سنتين ! وبرضو شعره صار طوييييل ما شاء الله ! هل هو صدق ينفع؟ او فيه مضره على الكلب؟ اللي جربه يقول لي لو سمحتم
4- هذا الشامبو حق الاطفال اتوقع كل الناس يعرفوه المهم اني كنت استخدمه لقططي بحكم انه مره خفيف وينعم الشعر و ما يطيح الشعر على عكس اغلب شامبوات القطط كانت تطيح الشعر !ّ المهم هل ينفع اني استخدمه للكلب؟ مع العلم اني كنت اخففه بشوية مويه ! 
5- القراد والقمل !! انا من الحين شايله هم اذا صار فيه ! واذا صار فيه هل يقدر ينتقل لي؟؟ وما هي الحلول عشان اوخرهم ؟ اتذكر من فتره قرت شيئ عن اني احط شمعه او شيئ زي كذا والله نسيت ! اللي يعف طريقه كيف اتأكد انه ما عنده يقول لي لو سمحتم
6- التونه؟ هل التونه كويسه للكلاب ؟ والسمك بشكل عام؟ لانه السمك كويس للقطط بس الكثره منه تجيب الاسهال؟
اتذكر كنت اعطي قططي تونه مع شوية جبن واحميها طبعا وكانو يحبونها وكانت مرره تشبع ومفيده! بس مثل ما قلت كثرتها مو كويسه ! هل هذي الوصفه جيده او لا؟ والسمك بشكل عام كويس ولا لا ؟؟
شكررراا مقدما
استنى ردودكم
|