[ريان الورافي]

السلام عليكم
اخوي عبد الله المشاكل الي ذكرتها على الطير دايم واكثر الأحيان تكون من التيارات الهوائية
والله احيانا يقعد القفص عند اسبوع اسبوعين بدون تنظيف ولا يصير شي للطير طبعا على حسب نظافة القفص
واحيانا انظفه يوميا ويمرض الطير
عندك أشياء اقدر افيدك فيها وبإذن الله اساعدك
اول شي طبق حركة الاخ الي ذكرها الماء بالثوم
ثانيا الشمس لازم تعرضها للشمس عشان مستوى الطاقه عندها يرتفع اشوي والخمول يقل ولو في اي بكتيريا تموت كان عندي زوج كروان وزوجين بادجي
جتهم نفس المشكله بالشتاء لدرجة فقدت اليأس صرت يوميا اشمسهم حوالي من ساعه الى ساعتين وحط لهم لبناء بالثوم
ومشكلتي أهون من مشكلتك اخوي لكن جرب
وما زدت شي جديد عن الاخوان لكن تنويه لك انك تجربها
وعندي لك رقم بيطري وخبير طيور يقدرون يفيدونك لو حاب تاخذهم تعال خاص توصية من راعي الرقم ما اعطيه احد
ملاحظة (((( اي طير يمرض عليك لا توديه بيطري هذولي صيدليين بيطرة ماهم دكاتره خذهم عند وزراة الزراعة ااو الثروة الحيوانية هناك تلقى الدكاترة ))))
والله ورب الجلالة انكسر عند رجل حمامة بين الركبة والاصابع لفيت عليهم كلهم محد ساعدني رجعت انا ولفيتها والحمد لله اتحسنت
انكسر عندي ركبة بادجي وتعرف البادجي صغير فقدت الامل لما كلهم ما يعرفون رجعت البيت ولفيتها وثبتها والحين ما شاء الله معاه انثى وانتظر البيض
انكسر عندي فخذ روز طبعا ما رحت للبيطري ولا عالجتها أخذتها وزراة الزراعه قالوا تعال اليوم الثاني لو يحتاج عملية سويناها جيت اليوم الثاني قالوا شربه نسبة بسيطه من الحليب وخله فترة والحمد لله مشيت على كلامهم وانتفعت من الاخر البيطري فائدته ي رتب العلاجات داخل الصيدلية ماهو الكل لكن لحد الحين مافي احد نفعني والله كثير طيور عندي مرضت واعالجها تموت اشك يعطوني سم مو علاج

Abo_7sen