[عازف الكيبورد]

الســـــــــــــــؤال::
وانا ماودي اغير مكانه كل يوم لانه اول كان يصفر كثير اذا طلع النور والحين تغير عليه المكان دايم ساكت له يومين
الجــــــــــــــــــــــــواب ::


الطيور لاتحب التغير الكثير وقد تحتاج فترة معينة لحد التأقلم على المكان الجديد
اخي classic قدر المستطاع حاول إنك توفر له الهدوئ التام وقت النوم لراحة الطير
ويفضل ان يكون نوم الطير في الظلام الدامس تقريباً من الساعة 11 ليلاً لحد النهار
طبعاً ان كان موجود ( T.V ) التلفاز شغال ويوجد كلام من الأهل هذا ما راح ينام بالشكل المطلوب
وستلاحظ الطير وقت الصباح او الظهر يتثاوب كثير وياخذ (قيلوله)بسبب عدم النوم الجيد وهذا غير مناسب
تحيتي



الســـــــــــــــؤال::
أنا عندي كاسكو ممتاز من ناحية الصفات العامه مثل الجسم والشكل ولكن الطير صارله عندي حوالي الثلاثة شهور أذا مو أكثر وهو يجعر على الغريب , وانا الشخص الوحيد الي يتعامل معي بحذر , حاله كما حل الجندي والضابط , الطير وانا بعيد عنه يصفر ويلعب واحلى ما يكون ولما أجي ( سمع هوس) على قولة أخوانه المصريين , ولما أحطه على الاستان بره القفص يروح يمين وشمل يخاف مني خوف الحمر وبعدين يوقف على ايدي بس مستحيل يطالعني و الود وده يطير وروح مثل الطفل لما وده يلعب وانت ماسكه عن الاعب بس تحده يطييييييييييييييييييييييير هوهز شنو الحل معاه أرجو الافاده:-
نقاط مختصره عن الموضوع:-
1- طير نشيط
2- عمره صغير حوالي سنه
3- يصفر بس مايتكلم وصارلة عندي حوالي ثلاث شهور
4- انا الوحيد الي مايجعر بوجهي ويخاف مني خوف الحمر
شنو الحل لكسر حاجز الخوف , على فكرة الطير محطوط في منطقة في البيت نوعن ما فيها حركه

الجــــــــــــــــــــــــواب ::

أحب أرحب فيك وأهنيك بدخول عالم تو زوو الله يحيك يا صاحبنا الجديد الغالي بها المنتدى الغالي اللي رايح تستفيد منه الكثير بإذن الله تعالى بس استمر ولا تقطع وراح تشوف الفواااائد اللي رايح تستفيدها مع الوقت ...

1- الحمد لله شيء راااائع وما شاء الله تبارك الله ...
2- وهذ شيء طيب يكون عمره حول السنة وأقل يعني من 6 شهور إلى سنة عمر مناسب حلو ...
3- شيء طبيعي وعادي وهذ النقطة جيدة جداً كون أنه يصفر لأنها أولى خطوات البداية ...
4- هذ بداية تكوين العلاقة بينك وبين الطير حقك إنشاء الله ولو لاحظت معي شوي كان لاحظت إن الطير حقك أختارك إنت من بين الباقين لتكون صديقه المفضل لإننا كلنا نعلم أن الزعيق هو احدى علامات العداوة وعلى قولك ما يزعق عليك ......
ولكــــــــــن
وبما إنه معاك حول الثلاثة شهور الأفضل إنك تحطه في مكان مرتفع بوسط البيت علشان يراقب التحركات اللي حوله ويتعود عليها والشيء الثاني ما يحس بالملل ...
كسر حاجز الخوف هذا يجي مع الوقت ولا تيأس اصبر " إن الله مع الصابرين " والصبر زي ما انت عارف مفتاح الفرج وهو النقطة الأساسية اللي لا بد أن يتحلى بها المربي الصبر ثم الصبر ثم الصبر ....ألخ
معلومة بسيطة :
الطير حقي كان مواصفاته قريبة من اللي عندك أضف إلى ذلك مجرد مايشوفني يصارخ صراخ ربك العالم به
مع الوقت والتدريب البيسط
صار خويي ههههههههه ... ويطلع على يدي وكتفي ما شاء الله عليه وأزيدك من الشعر بيت صار يتكلم ويقول ( ألو ، والسلام عليكم )
وإذا كنت تبغى تعرف تاريخ شراء الطير هو بتاريخ :
29/12/1427هــ وإذا جيت اسوي مقارنة بين هذ التاريخ وتاريخ اليوم 14/4/1428هـ تحصل فرق كبير كبير بين الماضي والحاضر
لا تستعجل على بلوغ طيرك مرحلة الإنجاز الأعظم في خلال شهرين أو ثلاث أو حتى سنة بعد يحتاج له صبر وأنا أخوك ...
أرجوا من الله إني أفدتك يالغالي



الســـــــــــــــؤال::
عندي كاسيكو صارله عندي اسبوعين و عمره 8 شهور وباحاول انزل صورته في وقت لاحق ان شاء الله .... هو طير اليف لأبعد الحدود ودايماً يبي يركب على يدي ومايعض ويحب يلعب ومن يشوفني يصفّر ويناقز بس للحين ماشفت منه بوادر توحي على انه راح يتكلم ... اللهم بعض الصفير ...وبصراحه خايف اتعب معاه وفي النهايه مايتكلم ...
سؤالي هو ...هل هناك بوادر توحي بأن البغبغاء راح يتكلم ...ام انه يتكلم فجاءه ؟

الجــــــــــــــــــــــــواب ::

عزيزي ملوي رقاب يا مرحباً بك اخوي
الكاسكو من ناحية التغريد لاتحاتي فهو من النوع اللي يقلد اي صوت يمر عليه عدة مرات
حاول تعلمه الكلام أكثر من التصفير وإن وجدت تغريده مميزة فلا مانع من ذالك
بس قدر الإمكان حاول تكرر عليه كلمة وحده كبداية وفي جو هادئ وبنور خافت
أعطيك (قرنتي 100%)
راح ينطق اذا انت تملك الصبر وبدون ملل
وفي نهاية الموضوع نرجع ونقول القدرات في النطق يختلف من طير الى طير



الســـــــــــــــؤال::
قبل جم يوم سيكو زكم وقلت لابوي وده للبيطري بس ابوي ماكان عنده وقت المهم اتصل للبيطري والبيطري عطاه مضاد حيوي وفيتامين اذا ماكان ياكل بس الحمدلله سيكو ياكل
وانا اعطيه المضاد الحيوي حسب ماقالي البيطري واخليه في غرفه مافيها تيار هوائي
والمشكله ان سيكو مايشرب ماي وانا اذا اطلعه اشربه غصباً عنه واحس المضاد الحيوي مب لهناك
فيدوني شنو اقدر اعطيه عشان يتحسن ؟؟
الجــــــــــــــــــــــــواب ::

ما يشوف شر وسلامته والله انا اعطيه نكسيين ثوم يمضغها شوي لين تصير ريحته ثوم كلهاههههههههههههههههه
بس الحمد لله مشى الحال مع الثوم
الثوم مفيد
مايشوف شر اقصد قطعتين واعطيه وهو اصلا بيستفيد من المضغ بيمص الماء اللي في الثوم وعادي اذا بلعه وخاصه لو كان ثوم طازج


الســـــــــــــــؤال::
ارجوا من اخواني الاعزاء تحديد عمر هذا الببغاء

وهذي صور لعيونه و شكله

ارابط: http://www.2zoo.com/vb/showthread.php?t=57497

الجــــــــــــــــــــــــواب ::

الف مبروك على الطائر الجميل جدا
الطائر لا يتجاوز الخمس شهور
و اتمنى ان تقوم بالاعتناء و اتمنى لك التوفيق



الســـــــــــــــؤال::
لقيت لي أفريقي جامبو
أبي أسأل كم يستاهل ؟
وكم عمره ؟
وأي الأفريقي أحسن الجامبو او الكاسكو؟
وهذا من أي الأنواع ؟
وكيف أعرف ان صحته جيده او مريض ؟
الجــــــــــــــــــــــــواب ::

انت تقصد الجامبو او العادي
يآخي كلهم واحد لكن الجامبو يتميز بكبر جسمه فهو اكبر قليلاً من العادي لكن من ناحيه الذكاء انا اشوف كلهم واحد وهي من الببغاوات الناطقه الجيده
والببغاء الموجود بالصوره حلووو وصغير لسه فرخ واضح من عيونه لأنها سوداء
ومن ناحيه الصحة شوف حركته هو نشيط او لا وشوف ريشه منتفش او لا يعني زي كذا ملاحظات عالطير



الســـــــــــــــؤال::
الافريقي التميمي معروف شكله بس كيف تفرق بين الجامبو والعادي
عندي افريقي فرخ بس ذيله مب احمر بلكامل فيه سواد بسيط
واعتقد الافريقي الجامبو لو ريشه رمادي فاتح
وشكر

الجــــــــــــــــــــــــواب ::

اخي الكريم الفرق بين الجامبو والعادي
الجامبو حجمه اكبر من العادي وانت قارن بين الاحجام
اما عن طائرك هذا السواد يلي في الذيل هذا معناه انه لم يتم السنه من عمره
بالتوفيق ان شاء الله
ارشيف الحب:




الســـــــــــــــؤال::
انا رجعت من الدوام حصلت اخوي يوكل الببغاء فول سوداني ومعطيه كمير كبيرة
المهم انا اخذته و حطيته عندي وعقبها اشوف الببغاء يفتح فمه كانه بيستفرغ ولكن مايطلع من جوفه شئ ؟
وصوته مو طبيعي انخفض شوي
سواها تقريباً خمس مرات
والحين نايم ؟
يا اخوان ماهو سبب محاولة الاستفراغ و الانخفاض في الصوت
الجــــــــــــــــــــــــواب ::
http://www.2zoo.com/vb/showthread.ph...E1%D8%DA%C7%E3

و قراءه جميع الردود حتى تعم الفائده ان شاء الله



الســـــــــــــــؤال::
طير الفلا:عندي فرخ كاسيكو أفريقي عمره تقريبا خمس شهور، ويأكل لوحده فأنا أعطيه حب دوار الشمس وهو يحبه جدا، فبماذا تنصحوني أعطيه طعام آخر غير الحب الشمسي ..
وهل أخلي له كمية كبيرة ياكلها من الحب الشمسي أو أقلل له الكمية..

الجــــــــــــــــــــــــواب ::


لا تكثر حب شمسي كثر ما تقدر
وكله فواكه
بطاط مهروس
وبيض
وفي الخلطه الجاهزه عند المحلات
¬¬¬¬¬¬¬¬¬¬¬¬¬¬¬¬¬
الوافي556:



الســـــــــــــــؤال::
إخوتي الأعزاء منذ فترة وتراودني فكرة إقتناء طير الببغاء الرمادي ولكني لست ملم بعدة أمور فعلية أجو منكم مساعدتي وإفادتي بالتالي :
س: كيفية معرفة عمره عند الشراء؟
س: إن كان الطائر صغير ماذا اطعمه وإن كبر ماذا اطعمه؟
س: وهل الببغاء الرمادي من الأنواع التي إن دربت تستطيع التكلم؟
هذا وتقبلو مني فائق التقدير لمجهوداتكم ،،،
اخوكم الوافي

الجــــــــــــــــــــــــواب ::

مثل ماقالك اخوي المواضيع المثبته للببغاء الافريقي .. بتحصل فيها كللللللل شي ينفعك بأذن الله

وطبعا اخوي اذا تدرب الببغاء يتكلم .. وحتى لو ماتدرب على الكلام طبيعته يقلد الاصوات بعد سنه من حفظه للاصوات بجوفه يتحجى هذي للي مب مدرب فمابالك بالمدرب
والله يوفقك



الســـــــــــــــؤال::
السلسله الى تنحط في رجول الببغاء تاذيه او زي كذا او لا ؟؟؟
تجيبله حاله نفسيه او لا؟؟
الببغاء افريقي كاسكو

الجــــــــــــــــــــــــواب ::

لا أخوي لا تحط السلسلة ولا تفكر فيها أبد يكفي انك تحافظ على طول الجنحان بالحد الي مايسمح له بالطيران او الارتفاع لمسافه عاليه عن الارض ...
وبالتوفيق ياغالي ...
فواز, ,



الســـــــــــــــؤال::
انا جديد في تربية البغباء وانا لدي كاسكو
بس لدي مشكلة انة يخرج فضلاتة برع القفص فاريد حل لهذه المشكلة ساعدووووووووووووني

الجــــــــــــــــــــــــواب ::

لوكان الكاسكو داخل القفص اكد فضلاته حتكون داخل واهنا ما عندك مشكلة
ولو كان الكاسكو فوق القفص حط حوالين القفص ورق او بلاستيك زي ما ذكر لك الاخ / فلاش قطر
واهنا فضلاته حتكون خارج القفص وتطيح فوق الورق او البلاستيك اللي بتحطه وبعدين تغيره كل
فترة وتريح نفسك من تنظيف الارضية



الســـــــــــــــؤال::
لوسمحتو ابغا علاج للحالة هذي
عندي فرخ رمادي يلعب كثير واليوم وقع من فوق القفص وبعدها اشوفة يعرج ورافع رجل.
ابغا حل او علاج لة وشكراّ.
الجــــــــــــــــــــــــواب ::

ان شاء الله حالته سليمة اخوي لا تخاف ان شاء الله طيرك بخير لكن الحق طيرك بطبيب بيطري يشوف رجله
وانا كان عندي طير بس مو ببغاء انكسرت رجلة ومع الوقت الحمد لله شفي تماما
واتمنى لو تطمنا على الطير




الســـــــــــــــؤال::
حابه اعرف وش فايده ظهر الحبار للببغااااااااااء
ولو ابغا اعطي كيف الطريقه
وسؤال ثاني بخصوص خل التفاح اعطي ولا راح يضر فيه واش من نوع اخد عادي اخد من اللي في السوبر ماركت وكم مقدار احط له وكم مره في الاسبوع للعلم انو انا اعطي فتامين لمده 20 يوم و10 ايام مويه عاديه
تحياتي

الجــــــــــــــــــــــــواب ::

أولا بنسبه للفتامينات كثير 20 يوم المفروض كحد اقصي خمس ايام بشهر
بنسبه لخل التفاح نعم هو الى بسوبر ما ركيت خل التفاح الطبيعي
تضعين ربع معلقه على كاس مويه وتقدميه بلمشربيه مره او مرتين بلسبوع
بنسبه للحبار تعلقيه بلقفص أو تربطيه ربط بلقفص بواسطه سلك والطائر سوف ينقر فيه
قد يتجاهله اولا ثم سوف يقدم عليه

وبتوفيق عسوله



الســـــــــــــــؤال::
عندي سؤال عن الافريقي هل يوجد له غده دهنيه مثل باقي الطيور لان عندي طير ريشه تعبان ومتقصف ومتكسر وعالجته ولا نفع

الجــــــــــــــــــــــــواب ::

توجد غده دهنيه عند الببغاء الافريقي اسفل الذيل ...
اخوي دائما علاج مشاكل الريش تحتاج الى وقت وصبر طويل خصوصا ونه تدخل في هذي المشكله عوامل كثيره ...
اخوي انا زي مافهمت من سؤالك ان طائرك ريشه متقصف وليس هو من يقوم بنتفه
في الحالة هذي ...
تأكد ان الطير ياخذ كفايته من التنوع الغذائي الطبيعي فواكه خضروات عظم فخد الدجاج وايضا كفايته من المكمل الغذئي كالفيتامينات الي تباع بالصيدليات البيطريه
شي مهم اخوي ...
اهتم بترويش الطير ثلاث الى اربع مرات بالاسبوع مع تعريضه لأشعة الشمس لفترات كافيه ووضعه في مكان لايشعر معه بالوحده ....
اتمنى لطيرك الشفاء العاجل ...
فواز , ,



الســـــــــــــــؤال::
الاستفسار بخصوص الكلام لدى الافريقي
كيفيةتلقين الكلام مع العلم انا الطائر متكلم وبالخصوص تلقين سور القران الكريم مثل الاخلاص
هل يكون التلقين ايه ايه او ايش اريدكم ياخبراء توزو تفيدونني وشكرااااااااااااااااا

الجــــــــــــــــــــــــواب ::

بنسبه للجمل الطويله أو الصور القصار من القران الكريم يفضل أستخدام التسجيل
لنها تحتاج الا تكرار كثير ومده طويله كى يتعلمها الطير
وتكون كلها متواصله لا تعلمه ايه ايه حتى يتعلمها بترتيب لو علمته ايه ايه فهو سوف يقدم
ويأخر بكيفه لأنه تعلمها مجزئه ولم يتعلمها متواصله ويفضل صور قصار او جمل قصيره
حسب مقدرة الطير فهناك طيور لها مقدره معينه فلا نجبره ما هو فوق طاقته
وليس كل الطيور أستطاعت حفظ سور من القرأن تبقي مقدره متفرده لبعض الطيور
ولكن مع التدريب والمواصله من الممكن ان يتعلم الطير ذو المقدره المحدوده
و لا يجب ان نعلم الطير المبتدأ صور من القران على طول وبعدين نقول ليه ما قلها
الطائر كطفل الصغير هل رأيت طفل صغير توه متعلم يقول با با ما ما تبيه يقولك قصيده من
عشرين بيت مستحيل طبعاً بل تبدأ تدريجياً بكلمات البسيطه ثم الكلمتين مثل صباح الخير
السلام عليكم وأذا تخطى هذه المرحله نبدا بلجمل المتوسطه من ثلاث كلمات
وهكذا وذا رأينا الطير تقدم بمرحلة الكلام بندا نطلب منه ايه ثم سوره وهكذا
ولا يجب الاستعجال بل مرحله مرحله وخطوه خطوه حتى ينطلق لسان الطير تدريجياً



الســـــــــــــــؤال::
هذه اول مشـآركه لي بهـذآ المنتدى الرآئـع ,.

وآتمنـى ممن يملك الخبرهـ آن يفيديني في ( نـوع وكم عمـر ) طـآئـري وصديـقي ..

الجــــــــــــــــــــــــواب ::

ماشاء الله تبارك الله كاسكو في قمة الجمال
الجنس: ... لا أعلم
العمر: سنه وثمان شهور ياصل إلى سنتين ونص تقريباً ( يعتبر صغير )
لونه فاتح جميل وهاذي تسمى بالكاميرون وهي أكبر وأفتح

QaDsia :



الســـــــــــــــؤال::
السلام عليكم ورحمة الله وبركاته

ياشباب انا عضو يديد واحتاج مساعدتكم انا مبتدأ في تربية الطيور
وماخذلي كاسكو يديد خل اقولكم شنو الي يسويه وياي وانا شسويت وياه
اهو من النوع الافريقي عمره بحدود السنتين مايتكلم غير متدرب وابيكم تساعدوني بخصوص التدريب
1. اول ما خذيته حاولت اني اخليه يتأقلم معا الستاند فترات طويله
2. قاعد احاول اقلل الاكل بالنسبه له
3. لما احاول اني اعطيه اكل يرمي الاكل
4. بس اول ماخذيته كان 24 ساعه يجاعر لما احد يقرب منه
5.الحين ثاني يوم له عندي وخفة الجعير لما اقرب منه لاكن ليلحين مايرضى اني المسه وفيه نسبة من الخوف
6. كل ما احاول امسح عليه يطير من الستاند ولما احط المس منقاره لمسات خفيفه يهدى شوي
7. في نسبة كبييره من الخووف واهي الي مو قادره تخليني اقدر ادربه
8. الاحظ عليه انه يدوخ بفترات من الساعه 6 المغرب يبتدي يحس بالدوخه عكس الكاسكو الثاني الي عندي ممكن اعرف حلول لهلمشكله
9. وشنو الطريقة الي تنصحوني فيها بالاكل والمعامله
عموما اذا في شي ماذكرته مهم قولولي
ويعطيكم العافيه مقدما ادري انكم ماراح تقصرون معاي
هل اذا كنت ادخن يمه هالشغله بتأثر على صحته ؟

الجــــــــــــــــــــــــواب ::

أخوى مشاء الله عليك أسأله كثيره وكل سؤال عاوزله موضوع لحاله
أولا شيء أذهب للمواضيع المثبته عن الكاسيكو اقرئها وتجد كل الاجابات الوافيه
ولو التبس عليك شيء احنا موجودين
بنسبه لعملية الدوخه المغرب يبدو ان الطير متعود أنه ينام مع غروب الشمس ويصحى مع طلوعها
فهذا الروتين المتعود عليه الطائر يعنى ماهو متعود على برنامجك
بنسبه لتدخين أكيد بيضره رأت الطائر صغيره وحساسه
بنسبه للمعامله بعطيك قاعده لترويض
|(0 لا تجبر الطير على فعل شيء بل أجعله يفعله من نفسه )
يعنى لو بغيته يطلع من القفص لا تمسكه بل أفتح القفص وحطله فول سودانى فوق
حتى يطلع وهكذا في كل شيء وانت أبتكر طرق المهم أنك ما تخرج عن القاعده



الســـــــــــــــؤال::
ارجو من الخبراء مساعدتى بكيفية الأهتمام بكاسكو عمره شهرين علما بأنه يأكل لوحده الأن ؟ وما انوع الأكل الأزم لتقويته والمحافظه على ريشه؟ افيدونى الله يخليكم وشكرا لكم جميعا.

الجــــــــــــــــــــــــواب ::

اخوي تقدر تراجع المواضيع المكتوبة بخصوص تغذية الببغاوات فيها الكثير من الافادة لك
وممكن توكله فواكه برتقال تفاح قطع صغيره
ممكن ايضا ان تضع له السيريلاك
وتوجد خلطه عند المحلات خاصه للفروخ تخلط مع الماء
---سلفر---: