|
رد: •*´¨`*• فــضـــفـــضــه قــطــطــيـــه •*´¨`*•
حبيت الموضوع واشكرك على الفكره الحلوه
وعلى فضفضتكم السنعه والله قريتها واحد واحد
وشجعتوني اقول لكم فضفضه
مع ان القطوه راحت 
المهم عندي قطوه اسمها تينو عمرها شهرين
الله يسلمكم هالقطوه فيها بثاره الدنياء بثره جدا لي فتحت اللاب جت تطامر عليه وتكتب معي
مثلا كتبت السلام تجي تكتب عولفبرغبفةايلؤ هههههههه وربي تطفشني
اقوم اجيب لعبتها وحطها بالارض عشان تلعب فيها تلعب شوي ثم ترجع في الاخير اطلع برى غرفتي واخليها مع نفسها
واجلس بالصاله ثم تطلع يدها من تحت الباب وتنادي هههههه ارحمها واقوم افتح لها الباب واسكر اللاب
الا عاد اذا شئ مهم معصي افتح لها الباب اخليها لين اخلص ولا اوديها عند خواتي يلعبون معها
ومن شريتها والله نومتي ما اكملها باليل تنكد علي دااايم اذا جت الساعه 2 تقوم تروح اللتر بوكس
اسمع صوت تحفيرها فيه وادري انها اذا خلصت بتجيني استعد واغطي وجهي بالبطانيه
تجي ست الحسن والجمال وتقعد تخرخر وتحاول تدخل اطنشها وانام وانا متغطي كذا كامل جسمي بالبطانيه
لو لقت مكان تدخل معه دخلت ههههههه وتتبيثر
واذا كنت نايم ولا غطيت وجهي وقامت تجي عند وجهي عند اذني تقومني اعصب واقوم احطها بالشبك واسكر عليها وتجلس تنادي اطنش وانام اذا قمت الصبح
اشم رائحه مب زينه ما تبشر بخير هههههه
اثرها مخربتها في القفص وجهي يصير كذا واطالع فيها واقول نعنبو بليسك وش اسوي فيك؟
نوم منكده علي ويوم سكرت عليك تخربينها يارب تصبرني بس وانظف قفصها وانظفه ذيلها
ولا اذا جيت العب سوني وانا متحمس ما ادري الا اصبع رجلي في فمهاا
لاني وانا متحمس مع العب احرك اصابع رجليني شوي تحسبني العب معها وجلس تعضعضهم وتطامر على اصابعي
هههههههههه
واحلى المواقف لما اكون مسكر عليها بغرفتي واول ما افتح الباب تقولون شايفه الجنه تركض بسررررعه وتطمر بالصاله تجلس تطامر وتترقص
من سرعتها اخاف تبنط في الكنبه وتطيح من بين فتحات الدرابيزن حق الدرج
اذا شفتها تركض اقول بشويش بشويش لا تعورين نفسك يا المهبوله
ولا اول ما ارجع من الجامعه ترحب فيني وتتحكحك شئ رومنسي
جد تربيتهم مسليه وذكرياتهم حلوه بس وقتي ما يسمح لي اربي بسه وبعتها
وافكر بالعطله اشتري وحده ويارب تكون مو بثره حتى لو صارت بثره
بكون متفرغ لها زييين وبثارتها هههههه
|