..
السلآم عليكم ورحمة الله وبركآته
كل عام وانتم بخير .. وعيد سعيد مقدماً
ببدا بأسئلتي
انا اشتريت قبل شهر وشويه كوكاتو قالاه .. اليف
* فيله حجل لونه ذهبي وعليه ارقام مني عارفه هل هيا يوم ميلاده او شي معين ؟
* على حسب علمي انه الذهبي يعني انثى صحيح ؟
كيف اعرف عمرها ؟
..
ثاني شي اواجه مشكلة معاها مضايقتني جداً الي هيا
تخاف مره رغم انها اليفه ، تسمح لي ادخل يدي بالقفص امسك
راسها وشويه شويه جسمها
حتى لمن امسك فخدها بعض الاحيان ما تسوي شي
لكن لمن اخرجها برة القفص تسير خوافه وتتطير 
تخاف من
اي شي
ومشكلة ثانيه تحب تعض اليفه صح لكن لمن اشيلها على يدي
تقعد تعض بيدي مادري هيا خايفه ولا تلعب
بس مؤلم شويه الم أقدر اتحمله وبعض الاحيان تزود قوة العض
وما تستقر بيدي تبغى تتطلع على كتفي
جننتني ايش الحل ؟ كيف اخليها تتخلص من خوفها .؟ الي هيا اهم نقطه
..
واحتمال كبير انه الي كان يربيها قبل ما كان يتعامل معاها كويس
دا احتمال وارد صح ؟ 
اشتريتها ماهي نظيفة و اظافيرها خناجر شوهت لي يدي
طبعاً الى الان ما قصيت اظافيرها لسه ابغاها تتعود وبوديها
محل يقص لها اظافيرها عشان ما تكرهني
مع العلم اني ما اسيء معاملتها ابداً ولا اصرخ عليها و احاول على قد ما اقدر اني اكون رفيقه معاها
أنتظر ردكم 