[ProOoF]

المشاركة الأصلية كتبت بواسطة photographer

التعليق المباشر مو مقتنعه فيه ابدا ويشوه الغرفة بكرا اغير القفص او اغير مكانه القى الجدار علامات ومسامير مايعجبني هالوضع ابغى شبك او زي الجبسن بورد وفيه حدايد مخفية بالعرض
اللي لقيته لحتى الان ما اعرف كيف طريقة تثبيته يبيعوه لحاله وشكله مايتحمل يشيل اكثر من قفص زي مستلزمات المحلات حقت الاكسسوارات والجوالات يشيل اشياء خفيفة بس كنت ابشوف تجاربكم كيف مرتبين اقفاصكم في حالة اني مالقيت بمر على حدادين واعطيهم المقاسات كاخر حل ..


الان انا عندي زوجين الافريقي الحمدلله وكلها بشهادات وصحتها طيبه ..
عندي سؤال اليوم وصلتني طلبية لادوية فيرسل لاقا ( الومني فيت - والفيرتي فيت )
هل عادي ابدا معاهم بالكورسات وكيف طريقة تنظيمها ؟
او انتظر حتى يستقروا باقفاصهم الكبيرة لانهم حاليا باقفاص عادية .

اما مكيف الموية افكر اجيب المنقي لهم اللي بساكو عشان يصفى لهم جو الغرفة ويبقى متجدد
وان شاء الله تستقر امور الجو .. بالنسبة للتايمر اقول لكهربائي يضبطه بالساعات ولا كيف على درجة الحرارة كيف الطريقة ؟

في شي مفرح بالنسبة للطيور الحمدلله ماقد شفت الزوجين بالقفصين يتضاربو مع بعض وكل واحد متعايش مع الثاني بسلام .. ما ياذو بعض بس بنفس الوقت ما احسهم متوالفين

زي ماذكرت سابقا عندي زوجين افريقي الاول لو شاف ظلك يصارخ واحسه يوتر الزوج الثاني ويخوفه يقوم يصارخ معاه

الزوج الثاني جدا هاديين لدرجة اني امشي من عندهم واغيير اكلهم بدون صراخ وان صرخوا يكون قليل لحركات مفاجئة او من توترهم لصراخ الزوج الاول .. وعندهم حركة ان خافوا بدل الصراخ يطلع تقليد صوت الكلب فاسوي نفسي خفت واطلع علشان ابيه يثبت على هالسلوك وان الصراخ مو حل ..


بالنسبة للزوج الاول بيقعد طول الوقت يصارخ على اي شي على كذا محا نتفق وقت الانتاج بيقعدوا ينطنطوا ويصارخوا بكل مكان مافي طريقة تهديهم ما ابغى اولفهم بس ابغاهم يسكتو او يقللوا الازعاج

الله يعينك صحيح بيكون فيه اثار و علامات فكر بحلول تناسبك

ماشاء الله ع البركه الازواج

الفيرتي يفضل البدايه مع دخولهم لقفص الانتاج بفتره كافيه شهر مثلاً

بالنسبه لسلوك الطيور كل ماذكرته طبيعي لانها طيور انتاج

صحيح الزوج الثاني افضل كسلوك ولكن حتى الثاني طبيعي

سلوك الزوج مع بعض اذا حدث توتر فهذا طبيعي اذا كانوا سابقاً بقفص انتاج

الصوت الي تقصده مثل الكلب هذا صوت التوتر بالكاسكو و كفعل صحيح افضل من الصراخ

بالنسبة للزوج الاول بيقعد طول الوقت يصارخ على اي شي على كذا محا نتفق وقت الانتاج بيقعدوا ينطنطوا ويصارخوا بكل مكان مافي طريقة تهديهم ما ابغى اولفهم بس ابغاهم يسكتو او يقللوا الازعاج

كل هالسلوك راح تنساه بمجرد ماتركب القفص و الصندوق

ميزه الافريقي الوحيده و الممتعه عن غالبيه الطيور

بمجرد دخولك الغرفه كل الازواج تدخل الصندوق ولا تشوفها خارج الصندوق

لدرجه وانت تغير اكل ممكن تكلم الجوال من الهدوء

و اهم شيء انك تعود الطيور ع طريقه لدخولك الغرفه مثل طقه الباب مرتين ثلاث مرات

و بعدها افتح الباب و بتلاحظ بعد فتره بمجرد ماتدق الباب تسمع صوت دخولهم للصندوق

ربي يوفقك ويكرمك من الازواج و بأذن الله نشاركك الفرحه بالفروخ