ارجو الرد بالسرعة الممكنه

[the dog lover]

الله يعطيكوا الف الف الف عافيه على هيك منتدى اشهد انه احسن منتدى شفته على النت و عشان هيك طالب فزعتكوا يا احلى اعضاء

انا في صديق الي عنده كلبه ولدت من 5 اسابيع تقريبا الام بلدي بس ما شاء الله ضخامه و شراسه بشكل مريع الذكر جيرمن شيبرد كنج سايز (قريت سايز) حجمه جدا كبير اجلكم الله حمار الا شوي
و انا عايش بشقه فيها ساحه كثييييير واسعه تقريبا 90 متر مربع انا عندي خبره مع الكلاب بس مش محترف و احب الكلاب بشكل كبييييييير و مهووس فيهم يعني حتى لو شفت كلب ما بعرفه و اول مرة بشوفه بروح بلعب معه و حتى لو كان شرس بقدر اهدي كيف ما تسئلوني بس اول م اقرب منه بلعب معي كاني صديقه
ما علينا من طول السوالف
الاسئله :-
1_ يفضل اجيبه الفترة هاي ولا انتظر كمان اسبوع
2- بعتبار اكثر من نصه جيرمن شيبرد (امه بلدي مع جيرمن) هل رح يكون تدريبه سهل
3-رح ننقل -ان شاء الله-من بيتنا بعد 5 اشهر فهل رح يئثر على الكلب من الناحيه النفسيه او تدريبه او مكان قضاء الحاجه اجلكم الله ؟
4-كيف اتعامل معه اول يوم لانو الجرو لما يبعد عن امه بضل يعوي بالليل و مزعج جدا و انا بصراحه ما بقدر على هيك قلبي يتقطع
5- انا في عندي صديق كلبه عمره شهرين و نص و متعلم جميع اوامر اطاعه فهل من الممكن ادرب كلبي زي هيك او الافضل اتركه لعمر الست اشهر ؟
6- هل شرط اثناء الدوره انها تجيب كلاب يعني تلم الكلاب حوالي البيت و اذا نعم هل في طريقه لمنع هذا غير التعقيم
مع العلم انها الجرو المدلل بين اخوانها يعني امها تهتم فيها جدا و علامات الشراسه باينه عليها يعني هيه اول وحده ترضع من امها و مكان رضاعتها معروف و ما حدا من باقي الجراوة يقرب عليه
انا اسف جدا اول سؤال الي و اول مشاركه و ثقلت دمي عليكوا اتمنى الخبراء يفيدوني
و اخيرا يا ريت كل واحد يحط اسم للكلبه لانو محتار جدا باسمها و كنت مفكر اسميها كالي بس اذا في حدا عنده اسماء حلو ما تبخلوا علينا و مشكوريين مسبقا