أبي أهدي ببغاء

[طير طاير]

السلام عليكم .
كيفكم ياأخوان؟

أنا ان شاء الله بأشتري ببغاء هديه لاحد أقاربي ولكن ما أعرف وشي النوعيه اللي ممكن أشتريها وتنفع هديه.

أنا يهمني شكل الببغاء يكون ملون وجميل وحجمه يكون مناسب مثل مايهمني النطق وكلامه يعني مثل الكاسيكو ما أحد يختلف على سرعة استجابته ووضوح النطق عنده لكن شكله ما أحبذه..

هل تنصحوني بالامازون أو الدره وأي أنواع الدره لان الهندي صغير أبي طير أكبر..
أو أخذ ماكاو..
والله ما أعرف و انتوا أهل الخبره والدرايه.
ياليت تنفعوني وتنصحوني بألأفضل مع العلم ان ميزانيتي أقصاها 3000..

شاكر لكم مقدما

[بلاك بيري]

ممتاز جدا انا انصحك بأن تأخذ امازوني يلوكراون فرخ واليف وعلى اليد وعنده كلمتين بهالمبلغ
او انك تاخذ امازوني بلوفرونتد فرخ لكنه غير اليف
او انك تاخذ زوج دره منتجه وتكن نيباليه واليفه
او انك تاخذ كوكاتو وهو رائع جدا وبتلاقي سلفر كريستد بسعرك ويكون اليف جدا ولعوب وعمره صغير بعد
هذا والله اعلم

[نوني..]

المكآو غالي مايجي بسعرك يمكن اقل حاجه بـ 4500

بس لو اني بمكآن اللي بتهديهم حلو الـ مكآو او يلوكراون امازون جامبو

والكوكاتو برضو حلو ولعوب وحركآتهـ جنآن

[صوغة]

وعليكم السلام

قبل لاتهدي الشخص الي بتهدية له رغبه يقتني ببغاء؟؟

لانه اذا ماعنده الرغبة ولا الامكانية لرعاية ببغاء

فاي ضرر يصيب هالببغاء يظل بذمتك

لانها روح مسؤوليين عنها

ثانيا انصحك بالدرة الهندية صحيح حجمها صغير بس تظل مناعتها اقوى حلووة للي ماعنده اي خبرة

وبهلوانية ولعوووب خاصة اذا تمت تربيتها من الصغر

درة فرخ بعمر الاربع او اقل شهر وقفص فخم و رائع مزيين بالالعاب

وأكل

بيكلفك الف ريال


وموفق

[none!!!]

قبل لاتهدي الشخص الي بتهدية له رغبه يقتني ببغاء؟؟

لانه اذا ماعنده الرغبة ولا الامكانية لرعاية ببغاء

فاي ضرر يصيب هالببغاء يظل بذمتك

لانها روح مسؤوليين عنها



انتبه لهاذا النقطة اول شي


اما اذا تبي تقتني شي لعوب ولون وشكل انصحك بالمكاو

[عشقي البلوفرنتد]

انا مع بلاك بيري

[Love kasko]

انا الصراحه اذا افكر اهدي شخص طير بساله عن طريق السوالف وسوال وجواب وبعرف هو يميل لي نوع باخذه له

واذا ما كان له نوع محدد انا دايما احب اهدي اللف بيرد ما اعرف ليش يمكن الوانهم وشكلهم وسعرهم مناسب للهديه

هذا راي بس

وبالتوفيق ياااااااااارب^^

تقبل مروري

[طير طاير]

الله يعطيكم العافيه ومشكورين على نصايحكم اللي مانستغني عنها..

واللي بأهديه ماله خبره فالطيور بس انه حلمه وخاطره من زمان يكون عنده ببغاء والعنايه ان شاء الله انه بيهتم فيه..

ارجع اجدد شكري لكم ..

[طير طاير]

طيب لو اخذ الأمزوني كم يحتاج من الوقت حتى ادربه على الكلام؟

[عاشق بغبغاء كاسكو]

اذا عنــدك مبــلغ مــن المـآل خذلــك مكـآو او بلــوفرنــتد او كوكـآـآتو الوــآنها مرررره جمـــيله

اذا مــآعندك خذلــك كاسسـكو