البوكسر ببساطة

[youssef ysl]

( منقول )

بسم الله نبدا

البوكسر من احب الكلاب فهو كلب مميز جدا
فبالنظر اللية يتضح انه كلب يقظ و بيمتلك طاقة عالية جدااااا ومتحمس جداااا يعنى كلب حبوب جدااا بجد وخاصة مع الاطفال فهو يشتهر بحبة للاطفال جدا جليس الاطفال بالرغم من شراستة مع الغرباء

البوكسر ثلاث الوان

الفون اللى هو لونة بنى كدة وفية ابيض فى رجلة بتتسمى شربات و علامة بيضاء على صدرة

اللون الثانى البرندل ودة اللى بيكون لونة بنى كدة محروق ومخطط بلون اغمق زى النمر وفى ناس بتقول علية بوكسر تيجر علشان الخطوط دية والاصح ان الخطوط دية تكون متناسبة يعنى مش فاتحة اوى ولا ضيقة اوى وبارضة بيكون فى الغالب بيكون فية اللون الابيض اللى على قدمة وعلى صدرة

اللون الثالث الابيض وفى ناس كتير مبترضاش تربية لانها بتقول انة عدد منه بيعانى من الصمم بس طبعا انت لما هتجيب الكلب هتختبرة فى كل حاجة

كدة احنا خلصنا الالوان فى ناس هتقولك اسود ده نادر جدآآآآ ومش موجود

اما بالنسبة للمواصفات

بعض الاشحاص بتعتقد ان البوكسر الصح
اللى ادية اللى قدام ملوية طبعا الكلام دة خطا
فدة يعتبر كلب يعانى من اعاقة

لاكن الكلب الصح اللى جسمة واطرافة سليمة مفيهاش اعوجاج ويكون جسمة قوى وعظامة قوية

وبرضة الكلب البوكسر الصح جسمة الامامى اعلى من جسمة الخلفى يعنى فية ميلة يعنى مش العكس مينفعش جزئة الخلفى يبقى اعلى من الامامى

شعرة قصير وملتصق بجسمة جيدا وبراق يعنى مش تمسك شعرة يطلع فى ايدك

اما بقى لو جينا لراسة فبتيين حجات كتير تكون جمجمتة متوسطة الحجم وماشية مه جسمة ورقبتة طويلة وفيها لفة بسيطة بوزة يستحسن يكون بلون اسود او زى مبيقولو بلاك ماسك ويكون قصير مش مبوز وتكون انفة عريضة واقرب ما يكون باتجاة عينة وبتتسمى وش مقلوب وناس تقول وش شامبنزى وحجات غريبة كدة هههههههه زى الصور دية

لشوية صور

وفى النهاية اتمنى الموضوع يكون مفيد ويعجبكم دمتم بكل خير