ببغائي مريض مادري شو صار بعينه

[(مزاجية)]

السلام عليكم

الكاسكو مالي مريض .. من سبوعين تقريبا لاحظت عينه انتفخت وديته البيطري و عطاه مضاد حيوي وخلاه عنده سبوع وعقب رجعه وقال الحين عينه زينه .. وعقب انا خليت عنده اسبوع زيادة لاني سافرت لمدة سبوع ويوم رجعته عينه نازله على تحت ومن فوق منتفخ قلت للدكتور شو صار بعينه قال لازم نسويله عملية عطاني قطور حق 3 ايام قال اذا ما صح لازم نسويله عملية

قلبي يعورني عليه كله يالس وهو نافخ ريشه و وهادي و عينه منتفخه وما يشوف منها يوم احط ايدي على عينه المورمه ما يصد ويوم احط على عينه الثانيه يصد يعني ما يشوف منها حتى

كل ما اشوفه عيني ادمع ما اعرف شو اسوي هل اخلي الدكتور يسويله العملية والا اوديه مكان ثاني

ساعدويني اللي عندهم خبرة في الببغاوات .. هل أحد صار له اللي صار لي

يارب تشفي ببغائي

[(مزاجية)]

ونسيت اقول شي .. عنده اسهال لونه بني

[bin dubai]

الله يعينك انزين انت تشوف الدكتور فاهم اذا فاهم وتحسه ما يقص عليك توكل على الله بس اهم شي تدعي له انه يتحسن

[bin dubai]

واذا تحسين ما في فايدة خليهم يظربونه ابرة الرحمة خلي يموت احسن من بدال ما يتعذب او اذا تحسين في فايدة توكلي على الله

[مشاغــب]

الله يكون في عوونج ..

اختي .. ونفس ما قالج بن دبي


اذا شايفه ان العمليه بتنجح سويها ..


بس لا طقينه ابره الرحمه يمكن يتشافا روحي لعيادات ثانيه


وموثوق فيهم قالو مالها حل .. ارضي بقدر الله


والله قادر على كل شي

[abd55]

السلام عليكم

شوفي بيطري ثاني وش يقول

ولا تفقدي الأمل ولا تعطيه ابره الرحمه لعبه هي

تحياااتي

[(مزاجية)]

يقول هالمرض يصير بين الببغاوات اذا كثرت من اكل الدهون اللي هو الحب اللي ياكله

انا اتريا حد عنده تجربه في هالشي يرد علي او حتى لو حد عنده فكره عن هالمرض

[مشاكس]

والله اختي انا ما عندي

خبرة بالأمراض

بس نصحيتي

اول شي وديه بيطري ثاني

وإذا قالك نفس كلام
الأول سويله عملية
وإذا قالك كلام غير
شوفي هلي توثقين فيه
او تحسين ان كلامه صح
وقليل
توكلي على الله وحطيه عنده

وفي نقطة مهمة
ادعيله بالشفاء العاجل في صلاتك
وفي سجودك

الله يعافيه ويخليه لك
امين يارب العالمين

[(مزاجية)]

دلوني على بيطري زين في دبي جان تعرفون

[bin dubai]

يالغالية تعرفين سيفيستوي على شارع شيخ زايييد شي طبيب وشي عن سوق الحمام بيطري في سوق الشارجة وشي في جميرا بس اعتقد خاص يعني مستشفى خاصة