طيـــــــــــــــــــوري تموووووووت :( سآآآعدوني !!

[like animals]

السلام عليكم ,
كان عندي 5 فروخ ,, مات قبل بضعة ايام فرخ واحد , ومن ثمّ الثاني , واليوم الثالث !!!!!!
باقي عندي 2 , وانا انتبهت ان الام ما تطعمهن لان الحوصلة فارغة عند الصغار ,,
ما العمل ؟؟؟؟؟؟ ساعدووووووووني

[جورجي]

وعليكم السلام ورحمة الله وبركاته
اخوي هل هذا اول انتاج للجوز ؟
احياناً باول انتاج يكون الجوز مبتدى خبرة .. وتموت بعض الفروخ ..
اخوي لانقاد بقية الفروخ .. اذا عندك جوز ثاني مفرخ وفروخه بنفس عمر الفرخين تقدر تنقل الفرخين لهم ..
واذا ماعندك جوز ثاني .. مافيه الا طريقة رفع الصغار من العش والاطعام اليدوي للصغار علشان لاتخسرهم
الفرخين حالياً كم اعمارهم ؟
اخوي انصحك برفع الصغار وغرهم وتحطهم بمكان دافى مناسب لهم .. بعيد عن التيارات الهوائية الحارة والباردة
وتقدر تستخدم كرتونه صغيرة مفروشة بنشارة الخشب او صندوق بلاستيك

[ابــن الــجـزيــره]

وعليكم السلام الله يعوضك اتوقع السبب الحراره تخيل جو حار راح يصير داخل العش حراره اكثر وهي جالسه عليهم واذا مو من هذا السبب يمكن من الزوج نفسه يدوس الفراخ لانك تفتح عليهم البياضه وهم يخافون ويتحركون بسرعه انصحك ابتعد عنهم قد ما تقدر تهيئه الجو المناسب عشان يكون الجوز في البياضه مرتاح تنوع في الاكل والبيض يوميا والجرجير بعد الله يوفقك

[like animals]

مشكورررين , جورجي عمارهم واحد منهم 15 يوم وواحد 6 او 7 اياام , اقدر اطعمهم باليد ؟ لانه ما عندي ججوز ثاني

[like animals]

وهذا اول انتاج لهم

[جورجي]

نعم اخوي .. تقدر تطعمهم باليد
يمكن بالبداية يكون صعب .. لكنه بعدين بيكون سهل .. وبعد فترة بتحصل على طيور اليفة جداً ورائعة
بما ان اعمارهم صغيرة .. وفر لهم مكان دافئ وان شاء الله الامور تمر بسلام
اخوي في هذا السن استخدم ابرة الانسولين للاطعام .. بيكون سهل .. ارفع من الابرة السن الحاد وتخلص منه

هذا مقطع لفرخ يمكن مقارب لفرخ ذو 7 ايام - مقطع اطعام -
http://www.youtube.com/watch?v=Inq1kAvZRQs
البعض لتدفئة الفروخ يستخد لمبة سهارية تكون موجهة على صندوق الفروخ " من اعلى "
والبعض باستخدام وسادة حرارية كهربائية تكون اسفل الصندوق البلاستيكي
فيديو لعمل حاضنة للفروخ بالوسادة الحرارية
http://www.youtube.com/watch?v=EzRh1nf8myA
وللتدفئة يوجد حل اخر .. انه تطعم الفروخ وترجعهم الى عش اهلهم .. لكن يمكن الجوز مايتقبل هذا الشيء
فيه طريقة مشابهة لطريقة حاضنة الوسادة الحرارية ... تستخدم فيها سخان ماء حق احواض السمك .. مقاس صغير او كبير .. وتأخد صحن بايركس .. وتعبيه ماء وتحط السخان به وتضبط درجة الحرارة .. وتاخد صينية بلاستيك مستطيلة الشكل وتضعها على صحن البايركس وبعدين تحط الحوض البلاستيك وتفرشه نشارة خشب .. وتضع ميزان حرارة علشان تعرف الحرارة داخل الحوض وتضع الفروخ به ... الطريقة استخدمها بالشتاء لان بالصيف الجو حار
عندي صورة لقديمة للحاضنة ..لكن كان الجو صيف والفرخ مكتمل الريش فما استخدمت السخان .. فقط الفرخ داخل الحوض
ماشاء الله تبارك الله


لكن بما اننا بالصيف اطعمهم وخلي الفروخ بمكان مافيه برودة او تيارات هوائية .. مثل استخدام عش ثاني مفروش بنشارة الخشب وتطعم الفروخ وتضع الفروخ بالعش .. والعش خله بمكان دافي او معتدل الحرارة ..
اخوي لو شيء ماعرفت له لاتتردد بالسؤال

[like animals]

مشكوووور أخوي على المعلومات المهمة
عندنا غرفة صغيرة ما نستعملها , انا حطيت بيها الفروخ (طبعاً بالغرفة يوجد شبابيك ) , والغرفة دافئة وكثييييير زينة للفروخ . مرة ثانية مشكور على الرد , وانا اطعمهم سيريلاك اطفال ( لانة ما لقيت سيريلاك خاص للطيور) بواسطة الابرة مثل اللي بالفيديو .
ولكن سؤال : أطعم الفروخ كلما نفذ الطعام من حوصلة الفرخ؟

[like animals]

وسؤال ثاني : الفروخ هي 2 فراخ يعني اقدر ادربهم عادي حتى لو كانو 2 ؟

[ZEAD^_^]

اخوي لاتعطيهم سيريلاك اطفال يضرهم

[like animals]

ziad ايش العمل ؟ ما لقيت سيريلاك للطيور , بس بأي ناحية يضرهم ؟