سوال للخبراء جدا

[امازون2013]

السلام عليكم ورحمة الله وبركاته
يا اخوان عندي ببغاء بلوفرينتد متكلم عنده حوال سبعة كلمات اشتريته ومن يوم يوم اشتريته من حوالي ثلاث اسابيع ما يقول غيرها ولا هو راضي يتعلم كلمات جديده عمره حوالي الثلاث سنين وببغاء متقلب فترة ياكل دوار الشمس وفترة يبطل ياكله ويبي ارز او جزر ويش العمل معاه اكثر وقته يبي يلعب بس

[فيوزي]

طيب خل الطير يلعب
ومن ناحية الكلام لقنه كلمه وحده ولا تغيرها له الين ينطقا
يعني وقت الاكل قوله وقت العب قوله وقت ما تشوفه قولها رددها
وبأذن الله يحفظها
من ناحية الاكل اعطيه لا تمنعه
ما شاء الله عليه
الله يحفظه
تحياتي
ابو سدران

[بلاك بيري]

حاول ان تلقنه بغرفه مظلمه او على مقاطع اليوتيوب الطيور الأمازونيه طيور لعوبه لا تلقن والضوء شغال لأنها تعرف جيدا شلون تتسلى وتلهي نفسها عن كل شيء

[eaglesa38]

البعض يضع طيره في قفص كبير ويضع له العاب
ونجد الطير يلهوا باللعب عوضا عن التركيز على المعلم او الكلام الي يدور حوله
وطبيعي راح يردد الكلمات الي تعلمها سابقا

اخوي اذا القفص كبير غيره الى القفص العادي لتحد من حركة الطير الكثيرة وتجعله يركز على كلامك
استخدم هذا النوع

ملاحظة
لا يجب اهمال الطير عند وضعه في قفص صغير لان هذا ممكن تجعل الطير في حالة نفسية وينتج عنها نتف الريش او الاكتئاب

لتعليم الطير كلام جديد لا تردد عليه الكلام الي يعرفه
ردد الكلمات الجديدة
ايضا التلقين من جميع افراد العائلة ونفس الكلمات يشجع الطير على التعلم
وربما تلاحظون في بعض المقاطع الي فيها اطفال تردد كلام للطير وتفاعل الطير معهم

بالنسبة للاكل
بما انه ياكل طبيعي حاول تنوع له ولا تخاف عليه اذا اكل نوع اليوم وبكره ما اكل منه
فالطيور السليمة متى ما احست بالجوع سوف تأكل

تمنياتي لك بالتوفيق
ابورضا