سؤال للمناقشة ..

[A.AlYousifi]

السلام عليكم و رحمة الله و بركاته ..

اخواني و اخواتي انا ودي اتناقش معاكم بشي ..

سمعت من الشياب ( شياب سوق اليمعه اذا تعرفونهم )

الي قاعدين و ما عندهم الا يكسرون فيك و بطيرك و لا شي عاجبهم ..

سمعت انه الكاسكو الي يصفر وايد مو زيين .. انه بالمستقبل راح يضل يصفر و ما يتحجى ..

هل هذا الشي صج و لا حجي فاضي

و الله اعلم ..

و مشكورين والله يعطيكم العافيا ..

اخوكم علي .

[fan]

لأ طبعاً كلامهم مو صح
وأنا أقولك رأيي طبعاً يمكن أحد عنده رأي ثاني
الببغاء اللي كان عندي قبل من اشتريته كان يصفر بس
ويظل يصفر يمكن أكثر من 6 شهور لين ماتكلم
بس من بعد أول كلمه انطلق في الكلام
وبعدين برأيي أنه بالعادة الببغاء يتعلم التصفير أول لأنه أسهل

[تاكو]

الحقيقه الطير الذي يصفر كثيراً

غير محبوب لدى كبار المربين والهواه

وذلك للإسباب التي ذكرتها

( ولكن ذلك ليس مثبت علمياً )

[عاشقة الطيور]

وعليكم السلام ورحمة الله وبركاته

والله الطير اذا كان بين مجموعه من الطيور ومحد يكلمه ولا يسمع ناس يتكلمون بيتم يصفر .. اما اذا علموه على الكلام بأذن الله بيتكلم

[سوق الغزل]

اعتقد ا الكلام الي ذكر غير صحيح وان الطير الي يصفر بيكون بشير خير ومن بعد الصفير يجي الكلام والله اعلم

[A.AlYousifi]

مشكورين اخواني على الردود و المرور ..

و انا للحين مالي بدى يصفر صفرتين ثلاث

[Mr. MeMo]

في مثل يقول الخيل من خيالها


التدريب هو الاساس في الموضوع

و الطائر الذي يصفر كثيرا لم يدرب بشكل جيد

و العيب ليس فقط في الطائر و لكن ايضا نحن بنا عيوب
و لكن نضعها فوق راس الطائر ان لم نحسن تدريبه

[راعى طرب]

مرحبا
اول شى هذا الكلام موصحيح ميه بالميه فى شى يغطيى على شى
التصفير الكثير مو مرغوب وايد بس فى شى ضرورى جسم الطير وهداوته وحجمه ولون

الله بهنيك بحلالك

[blind]

كلام الاخوان معقول لاكن كثرة تدريب الطير يحفز الطير
الى الانطلاق الي الكلام

[very smart]

السلام عليكم
بالعكس اخوي الطير اللي تصفيره كثير هذا يعني ان الطير حرك وراعي لعب ووناسه لان الطير اللي تصفيره بسيط يكون بالعاده بارد نوعا ما
بعدين الذا كان التصفير زايد هذا ناتج عن التقليد للطيور الاخرى والطير اللي كذا يكون سريع التعلم للكلام
وانا اقول لك الكلام هذا من واقع تجربه
وتقبل مروري